اختي الكبيره ومأسآتي معاها

السلام عليكم

اخباركم يا بنات ؟؟

رح اقولكم مشكلتي الا جد مأزمتني نفسيا وماقدرت اشوف لها حل :44:

انا عندي اخت اكبر مني مادري كيف اوصفها ! حتى ابوي وامي موب قادرين عليها

ياما حاولت اتقرب منها ماتعطيني مجال من تشوفيني تبدي في السب والشتم وتتلفظ بألفاظ اعووذ بالله

طبعا هي بدت هذا الشي من سنتين وهذي السنه درست في ديره غير

انا جد ارتحت كثييييييير لما ابتعدت عنا ..لانه دايما في البيت من تشوفني تجي تسب وتشتم من غير سبب

وتتحرش فيني اغراضي تضيعها وتقول انا كيفي ! تدخل غرفتي بغير اذن وتنبش اغراضي وترووح

واذا اجي اسألها عن سبب التصرف الا عملته ماتعطيني محال حتى اتفاهم معاها بس صراخ في صرااخ

طبعا هذي الاجازه هي نزلت لنا خلصت السنه حقها وردت لعادتها القديمه الصراخ والشتم والسب

وانا ماني قادره وقسسم اعيش اجازتي حالي حال اي بنت

والله العظيييم يابناات احبس روحي بس في غرفتي ماقدر اطلع لانه اذا طلعت ماراح تسكت بالسب

والله تعبت معاهاا حيل وهذي السنه زادت طاقتها في الصراخ والسب :44:

رح ادعي للي تعطيني حل من كل قلبي والله وفي كل صلاه :44:

15 تعليق 2,083 مشاهدة

شاركي في النقاش

سجلي الدخول لإضافة تعليق.

التعليقات

15
  1. وين اهلك عنها وعن تربيتها

    انا رأي سكري غرفتك لين طلعتي منها بالمفتاح احسن وبالنسبه لها ما في غير ان اهلك يربوها من جديد
  2. @nshbh_bnt_mgaas

    شوفي هذي اختس يبيلها رن
    يعني دق
    يعني لبد
    يعني خبط
    يعني دهف
    بالعاميه ضرب
    صكيها بشي على خشعتها والله ان تصحححححححححححححححححححححححححححححححح صح مضبوط
    وان تبين تحولينها علي ماعندتس مشكله
    تران صادقه
    شوفي انتي لما احد يصارخ عليتس ماتتكلمين بس لالقيتي احد يردلك الصاع صاعين تخشعين تقلين قطه مدموغه
    لذالك عليك بتنفيذ السابق ذكره
    وفديتس والله يهديها
  3. @mrhf_alhs_2

    لااله الا الله العلي العظيم
    اسالي الله ان يرزقك الصبر والحلم وان يبعدك عن الغضب ويارب يهديها ويصلح اموركم

تابعي تجارب أخرى من هذا القسم.