أنا ام بنات وشايله هم الناس وتعليقاتهم اذا ولدت علموني وش اسوي ؟

هلا بنات كيفكم أنا حامل وطول الوقت اوسوس وتجيني ضيقة صدر افكر لو طلع الي في بطني بنت وعلمت الناس أني جبت بنت وتعليقاتهم لدرجة افكر أني أولد وما اعلم احد ولا يزورني احد ابغا افتك منهم أنا عن نفسي مايهمني يجيني بنت بس الناس مايخلوني بحالي بس يعلقون علي بعضهم توني والده يدخل علي في المستشفى يزور يضحك كيف اعاملهم ؟ 

61 تعليق 7,270 مشاهدة

شاركي في النقاش

سجلي الدخول لإضافة تعليق.

التعليقات

60
  1. يمكن انتي حسااسه كثير

    ولا الناس ماعليك فيهم اذا الوحده جابت بنات قالو الله يرزقك بالولد واذا جابت اولاد قالو الله يرزقك بالبنت

    بالعربي النااس دايمااا يدورون الحاجه الضايعه علشان يتكلمون فيهاااا


    لاتعطين الموضوع اكبر من حجمه وخلي الدعوه عاديه والله والله البناات فالزمن ذاا صاروا اطيب واحن عالام من العيال اللي من يكبر ويتزوج ينسى امه ويبر بزوجته


    اهم شي حسسيهم انك فخوره ومبسوطه ببناتك هذا الشي يسكتهم اما انتي لو كنتي زعلانه في نفسك راح تفتحين لهم المجال
  2. @hkaay_aatr

    والله يااختي اللي بيسمع للناس بيتعب

    انا من اول حمل حملت ببنت

    وكل اهل زوجي يعلقون علي

    وزوجي معهم لا وصرت ام البنات وانا ماعندي الا بنت !!

    واللي تقول فلانة اشطر منك جابت ولد

    وفلانة جابت الولد الثاني

    وانتي عقب هالسنين بنت !!

    بس كلام الناس كله تحت رجلي

    يعلم الله كنت اتمنى الولد

    بس الحمدلله ربك مااراد وماباليد حيلة

    الله يعطينا على قد نيتنا

    ويرزقنا بالولد

  3. @sfraaa_alymamh

    الله يرزقك بالولد الصالح عاجلا غير آجل وكل من تمنت الولد ... اللهم آمين
    وأنتي وسعي صدرك ولا تفكرين في شئ بيد الله مو بيدنا .. أحسني الظن بالله والله يرزقك من واسع فضله
  4. يا حبيبتي يكفي حديث الرسول صلى الله عليه وسلم
    [[من عال جاريتين حتى تبلغا جاء يوم القيامة أنا وهو كهاتين وضم أصابعه]]. [رواه مسلم].

    من كان له ثلاث بنات يؤويهن ويكفيهن ويرحمهن فقد وجبت له الجنة البتة، فقال رجل: وثنتين يا رسول الله، قال: وثنتين]]. [أحمد والبخاري في الأدب المفرد].
    يعني احمدي ربك عالنعمه وكلام الناس ما يخلص والله بتتعبين واذا جبتي ولد قالو جيبي له اخو نفس الشي ما يملي عيون الناس شي
    يا زين البنات اذا كبرو وتجمعوا عند امهم كل وحده تخدمها بشي
    بالعكس يا قلبي تلقين ناس كثير تتمنى بنت وحده ما شاء الله الله يخليهم لك ويرزقك برهم ويصيرون لك احسن من مئة ولد

تابعي تجارب أخرى من هذا القسم.