
هلا وغلا
بعشيكم البيك <<<<<<<< ماتبي تقهر بعض المحرومين :icon19:
اكيد انا وانت وغيرنا الكل وده براحة وسعادة القلب ...
وش رايكم يالغاليات نخلي الصفحات هذي تشهد لنا يوم القيامه بشي عظيم ..
بأمر مو بسهوله الوحده فينا تسويه ،،
بس نحاول ونجاهد النفس وننطق بالكلمه ونكتبها ونخليها طالعه من قلب ..
هي كلمه وحده بس اثرها كبير على النفس وبتحسين براحه ،، واجرها عظيم عظيم عند الله ،،
السالفه اني ابي كل وحده وانا اولكم نكون قويات ونسامح كل من غلط علينا ...
سامحي القرايب وسامحي المعارف والصديقات ،، سامحي كل من غلط بحقك ..
سامحي اي وحده من العضوات غلطة عليك ،، استفزتك بكلمه ..
قوليها يا غاليه من قلبك وسامحي كل الناس ،،
ارتاحي ونامي اليوم وانت مانت شايله بقلبك على أحد ..
ما تدرين يمكن بسبب تسامحك ربي يغفر لك ،، اكيد كلنا نتمنى حسن الخاتمه ،،
خليني انا وانت نعوض تقصيرنا ،، و نحاول نسامح عشان ربي يرحمنا ويرزقنا من فضله ..
اذا ماقدرتي وحسيت الجرح اللي بقلبك اكبر من انك تقدرين تسامحين ..
اقول لك يالغلا فكري اليوم وبكره وباقي الايام ،،خلي مسامحة الناس هاجس عندك ...
وصدقيني بيجي اليوم اللي بتسامحين بكل سهوله ،، فكري بالجنه ونعيمها ،،
اكيد كلنا نبي الفردوس الاعلى ،، نبي اعلى جنه ،، اذاً يبيلنا نضغط على النفس ،،
عشان الجنه فيها ما لا عين رأت ولا أذن سمعت ولا خطر على قلب بشر ؛؛
بالنسبه لي والله اني مقصره بالنوافل والتقرب الى الله واستغلال الوقت ،،
ذنوب ومعاصي الله يرحمنا برحمته ،، على كذا وش بيكون بصحيفتي يوم القيامه ؟؟؟
اجل لازم اسامح الكل لعل الله يرحمني ويغفر لي ..
فأنا اقولها من قلب مسامحه كل عضوه غلطة علي <<<< على ان ماجاء منكم الا كل خير
ومسامحه قرايبي كلهم ومعارفي وصديقاتي ،، و مسامحه كل من اغتابني ...
واتمنى تسامحوني :26:
اتمنى الكل يسامح والكل يصفي قلبه ويرتاح ويكسب الحسنات ...
من عضوات وزائرات ،،
باقي المشاركه الثانيه كتبت فيها الايات والاحاديث عن التسامح ..
وشوفوا بنفسكم هذا الفضل العظيم ...
وكيف كان تسامح الرسول ؟؟
يسامح في نفس اللحظه اللي يغلطون عليه ؛؛
وفيه قصه جدا مؤثره اقريها واستفيدي ..
