وش سويت فيني يانايف ...

السلام عليكم ورحمة الله وبركاته

مدري وش اقول يااخوات

اليوم لما صحيت من النوم وافطرت اخذت جريدة الجزيره اتصفحها ...

وطاحت عيني على الموضوع والصورة اللي هزتني من اعماقي ..

وحركت داخلي اشياء كثيره ..

وربي اني قاعدة اكتب الحين والصورة ماراحت عن بالي .. وخانقتني العبرة ..

كان كل شي داخلي يصرخ لك الحمد يارب ... لك الحمد يارب ..

تبون تعرفون وش اللي شفته وخلاني اراجع نفسي مية مره بعد ماكنت غافله ..

الموضوع كان يتكلم عن شاب اسمه نايف :(

احترق قبل فتره مدري والله كم نتيجة دفاية كهربا كانت

عنده وهو نايم واحترق 70% من جسمه

يعني ثلاثة ارباع الجسم تقريبا .. وربي يابنات ماراح تتخيلون عظم مصيبته الا لما تشوفون الموضوع وتشوفون

الصور ..

اللي خلاني اكتب هالموضوع يابنات اهو انه مو قادر يسافر لاوروبا يسوي ترميم للجلد وعمليات نجميل

ممكن تخفف عنه الشي الكثير

استغرب واحنا بلد خيرات ورزق انسان مثل هذا مانقدر نساعده

لك الله يانايف ياخوي احنا لاهين في الخلطات والركض ورا البياض وناسينك

بنات تكفون اذا تعرفون احد مقتدر ماليا اعرضوا عليه موضوع نايف لعل وعسى

والله يابنات لما شفت صورته حطيت نفسي مكانه .. يالله مااعظم مصابه ..

بكيت من غفلتي .. وتفريطي

نايف كان شاب وماكان في يوم من الايام يتخيل بيصير له كذا لكن لله الامر من قبل ومن بعد

والحمد لله على كل حال

اخيرا حبيباتي لاتنسون نايف من دعواتكم اعتبروه اخ لنا

يارب يسر امر نايف وعجل بشفائه

يارب لاتجمع له بين نار الدنياونار الاخره ..

ساااااااامحنا يانايف يا اخوي


ساااااااااامحنا:(

168 تعليق 11,952 مشاهدة

شاركي في النقاش

سجلي الدخول لإضافة تعليق.

التعليقات

162

تابعي تجارب أخرى من هذا القسم.