مصدومه مصدومه من الي يقولون عنه نصفي الثاني

@maaaad_baky_okt

لي سنتين وشهرين تقريبا متزوجه ومااارد ربكم لي الذريه للحين آه من كان لنا تسع شهور ازن ع زوجي نروح نفحص لن دورتي ماتنزل الابحبوب وشايفه ع زوجي اشياء تدل ع ان فيه شي

وبعد صياح وتهدد رحنا للمستشفى وحللنا ان عندي مشكله بالتبويض وهو يقول ان الدكتور يقول سليم عيا يدخلني معه اخذت تحالييه ووديتها المستشفى قالو لي سليم بس قبل لانروح قال ترى عندي ضعف ولا حدد وش الضعف قالت عادي الطب تطور ومن هالكلام اهون عليه وعلي << بس الرجال مايبون الاالعين الحمراء مالت عليهم

بعد الغدا اليوم رحنا نقيل ونسولف وانا اتدلع مالت على حظي بس قالت انا ابيك توديني المدينه وتغير لي شقتي وتجيب لي بنوته واسترسل في السوالف قلت تدري لو مارزقنا الله مااافكر اني انفصل عنك مااتخيل اعيش بدونك
قلت لو انا مااجيب عيال بتزوج علي ؟

قآآآآآآل وش رايك اجل احتريك ايه بتزوج واي رجال يقول غير هالكلام كذاب << يتكلم بصدق وجديه مايمززح

انا هنا كن مكبوبه علي مويه بارده دمعت عيوووني خلاص ماتوقعت هالرد ابد ابد

يوم شافني كذا جلس يهاووش خير الي يشوفك يقول تزوجت خلاص ووزعت بطاقاتي بعد صمت شبه طويل مني قلت توقعت الي بيني وبينك اكبر من انك تقول لي هالكلام ع العموم انا كنت ماافكر اني اتركك لو مارزقنا ربي بس هالحين بعيد كل حساباتي ولعلمك ترى عارف اني مو قاعده بعدك وهو عارف اني جاده لاني بجد انصدمت كيف يقول لي كذا وهو عارف نفسه وعارف ان عنده ضعف وفي النواحي ذيك تعبان خانقتني العبره مرره مرررره

45 تعليق 5,853 مشاهدة

0 0

شاركي في النقاش

سجلي الدخول لإضافة تعليق.

التعليقات

43

  1. @hoaaabanttharadm

    الله يكتب اللي فيه الخير وانا اختك وشي طبيعي لا يضيق صدرك افرشي سجادتك واطلبي الكريم اللي مايرد من طلبه وبكون صريحة معك حنا يالحريم عاطفيات ..ياختي انا وشوله اتزوج ؟؟؟ اتزوج عشان استقر واجيب لي ذرية ..ابحثوا عن علاج واستخيري ربك واطلبيه ..الله يرزقكم الذرية الصالحه ويكتب الخير كله لكم

  3. @smmr_1

    الله يرزقك بالحمل السليم ويتممه لك يارب وتقرين عينك بمولودك عن قريب يااااااااااااااارب ااااااااامين ويرزق كل محرووم

  4. @asf_matshfy_khtak

    االجاي الى الله بثلث الليل واستغفري ربك الف مرة بعدين ادعي بكل تضرع وابكي للخالق وراح تشوفين العجب هذا سر من اسراري دعيت ان الله يرد لي زوجي وعيالي والحمدلله ربي جمعني بهم ودعيت اني احج وربي تمم لي على خير ودعيت اني احمل وبعد ست شهور حملت ودعيت ان الله يرزقنا ببعثه وانا الحين اكتب لك وانا مغتربه ولاتنسين الصدقه والنوافل والاذكار

  5. @alyn_alyom_2

    انتي اسلوبك غللللط ؟ لا تقولين اذا ماجبت بتزوج علي انتي كأنك دخلينها برااااسه خليك واثقه برررررررررربك والله يرزقك الذريه الصالحه ,,,

تابعي تجارب أخرى من هذا القسم.