همي ابكاني عسى الله يفرجهااا ......

السلام عليكم ورحمة الله وبركاته ..

مدري وش ابدا به من الهم اللي فيني توني باكيه ليين وجعني راسي

والحمد لله صليت الضحى واستخرت رب العالميين وارتاحت نفسيتي

وحبيت استشيركم ياخواتي ...في مشكلتي اللي محيرتني وحيرت اهلي معي

لي خمس سنين وانا عند اهلي زعلانه من زوجي لانه انسان مهمل بالصلاه

ويشرب الخمر ويمد ايده علي ...وطول هالمده يحاول يرجعني وانا رافضه بحكم انه

على وضعه ماتحسن ولا حاول يتحسن ..بس بينا مكالمات ولاشفته ولا شافني

طول هالمده ومن كلامه معي انه يحبني بس للاسف كل تصرفاته تثبت عكس

مازال يشرب ويسهر وعياله بالشهور مايشوفهم والمصروف بعد شحذ وطلااابه

وكل ما فتح سيرت الرجعه اسأله عن وضعه يبدأ يتمشكل معي واني مكذبته

واني انا سبب هالمشاكل وعلي ذنب اني شتت عيالي ...بالله وشرايكم

وش ارد عليه ..

ومراات احن عليه وارحب فيه خاصه اذا لاحظت انه له مده ماشرب

اسمعه كلام حلو واطيره في السماء واحسسه برجولته .

اما اذا كلمني وهو شارب اصارخ عليه واسبه وصك السماعه في وجهه

واجلس مده طوويله ماكلمه ولا ارد على اتصالاته .. وش رايكم في تصرفاتي

والله يابنات احس اني كل مالي تسوء شخصيتي وصرت متردده في جميع اموري

حياتي صارت كلها تفكيييير النوم صارصعب علي حيرني في حيااتي

ابي لي زوج يفهمني ويحس فيني ويدلعني والله ان حياتي الحيين صايره جديه

صايره انسانه جاده عديمة احساس مااحس طعم لاي شي

واللي خلاني ابكي الحيين هو اني متفاهمه مع زوجي انه يتعالج ويجي على رمضان

عشان يرجعني وهو عاجبه وراضي بهذا الشرط حسب كلامه ..هذا الكلام من الشهر اللي

فات وبعدها بفتره جلس ثلاث ايام ما تصلنا على بعض وبعدها اتصل وارد وانا فرحانه فيه

وانصدمت انه كان سكراان وسمعته كلام يسد النفس وصكيت السماعه بوجهه

وبعدها لااتصل ولاشي وانا ماطرى لي اتصل عليه لاني مفهوره منه

ومر اسبوع وفكرت يمكن خاف وحس على دمه ودخل المستشفى يتعالج

ومر الاسبوع الثاني وانا بين الامل واليأس ..

واليوم الصبح الساعه خمس ونص اتصل وترددت ارد ولا لا بعدها رديت والصدمه يابنات

انه كاان سكراان آآآآآآه والله اني في حزن وهم عسى الله يفرجها علي وعلى عيالي

يعني مافكر فيني وفي زعلي ولا فكر انه يتعالج .

ياويله من ربي صابره علييه طول هالسنوات عساه يتبدل الحال ..والله ان اخواني يبون

الخلع وانا رافضه علا وعسى وهو عايش حياته طول بعرض

بس انا الحيين استنى اخوي يصحى خلاص نفذ الصبر جاني شعور اني اادبه واعلمه

انه سهل علي اتخلى عنه يفكرني ميته فيه وذابحني حبه ..خلاااااص معاد اتحمل

بكلمه وخوي جنبي وبخلي اخوي بعد يكلمه ويهدده بالخلع .. وبروح للمحكمه وبخلعه

مثل الضرس التعبان وارتاااح منه ومن همه

43 تعليق 3,505 مشاهدة

شاركي في النقاش

سجلي الدخول لإضافة تعليق.

التعليقات

43
  1. @tfah_hmraaa_1

    الله يفرج همك ياااارب
    شوري عليك ياختي تروحين استشارية متخصصه في العلاقات الزوجية
    وتستشيرينها لانك صبرتي مدة طويله وحرااام عمرك يروح منك وكمان اطفالك من حقهم يعيشون حياة سويه
    صدقيني اتكلم من تجربه كثير من صحباتي راحوا عند استشارية ولقوا عندها حلول عملية لحياتهم لانه من الواضح انك حابه تصلحين الحال بينكم وماصبرتي كل هالوقت عشان في الاخير تتطلقين فجربي مانتي خسرانه شئ ابد
    مابي اتفلسف عليك كثير ياقلبي بس اتمنى انك تكوني فهمتي علي
    وعليك بالدعاااااااء والاستغفار الله يسمح امرك ويكتب لك اللي فيه الخير ياحي ياقيوم
  2. اممممممم

    والله اللي مايصلي ويشرب

    مافيه خير

    وصبرتي بما فيه الكفااايه خمس سنوااات عمر كبير

    الله صبرك 5 سنوات بيصبرك العمر كله

    ايوووه ارفعي قضيه واطلبي خلع اعطيته فرصه كافيه

    والله يعوضك خير
    ا

تابعي تجارب أخرى من هذا القسم.