زوجي والبواسير والحمل

ارجوكم ساعدوني ولا تخلوني انا حامل صار لي شهرين ونص وصايره عصبيه زياده عن اللزوم وزوجي مو طايقتله اي كلمه وهو صار يحاول يخرج ويتركني بالبيت لوحدي مع اولادي مع اني اكون تعبانه من غثيان ودوخه واللي زاد الطين بله ان جاتني هاليومين بواسير بغيت اموت منها ووداني المستشفى وعملو لي اللازم ولكن مجرد ما وداني على البيت الا وطلع وما رجع كنت منتظره يجيب لي الدواء ولكنه تأخر دقيت عليه اسأله ليش تأخرت قال انا بالمطعم مع واحد زميلي بالعمل بنتعشى واجي هنا انا ما قدرت اتحمل وعصبت وما قدرت امسك اعصابي وبعد ما جا طبعا ماتأخر كثير وقعد يراضي فيه بس انا موقادره ارضى واللي مزعلني هو لا مبالاته بمعانتي وكمان اهلي مسافرين ولا لي احد اروحله والحين وش رايكم انا عندي حق ولا زودتها معه علما انه انسان طيب ويخاف الله ملتزم وامام مسجد وانا ما ادري ارضى ولا اتم زعلانه منه عشان يعرف قيمتي وارجوكم دلوني على شي يهدي اعصابي وشي طبيعي للبواسير لأن ما عاد فيني اتحملها الله يسعدكم ويوجه لكم الخير يا رب ( ان الله في عون العبد ما كان العبد في عون اخيه )

24 تعليق 2,721 مشاهدة

شاركي في النقاش

سجلي الدخول لإضافة تعليق.

التعليقات

24
  1. @gnan_alkhlod

    اشربي عصير ليمون , يهدي الاعصاب روقي الموضوع مايستاهل العصبيه واذا طلع يتعشى مع زميله ماغلط عليك , لازم تحترمين انسانيته ورغباته وحريته , مو حلو المره اللي تقيد زوجها , بيحجي الوقت اللي بيمل وبينقم عليها , هو صح لازم يحس بالمسؤوليه ويلتزم بس بتوازن من غير ضغوط وتقييد لحركته , هونيها والله بيهون عليك ..
  2. @rnym_alzyn

    الله يعينك على الوحم والبواسير كافحي الامساك بكافة الطرق المتاحه للحامل لانه سبب البواسير الرئيسي
    واصبري وحاولي تهدي وش بتستفيدي اذا زوجك هرب من بيته وتعود على جو الاستراحات محد خسران غيرك
  3. @dloooaah_btbaay

    حبيبتي ليه العصبيه هذي كلها وطبيعي الرجاااال بيهج من البيت بس انتي تمالكي اعصابك حتى لو متوحمه عليه او روحي الفتره هذي عند اهلك غيري جو والله يكون بعونك....
    والبواسير كلي سلطات كثير والياف وعودي نفسك يوميا اول ماتصحي كلي حبه او اثنين برتقال على الريق صدقيني علاج فعاااااال بس استمري على البرتقال في البدايه راح تتعبين من روحتك للحمام بس حاولي يوميا تستخدمي الحمام ولا تخافي واهم شي لااااااااا تشدي خليك مسترخيه على الاخير وراح تتدعين لي ......

تابعي تجارب أخرى من هذا القسم.