استحي اكلم امي في هالاشياء وامي تستحي تكلمني ايضا... رجاء ادخلوا

اهلين ... كيفكم ؟؟
ابقول لكم شي يمكن يكون محرج ..انا عمري 19 ونص بالجامعة اكبر وحده بالبيت ولاعندي خوات بس صراحه استغرب من امي احس ماتقول لي اشياء لازم اعرفها وتخص البنات .. ماعمرها قالت لي شي الا عن الدوره الشهريه وعلمتي يوم كنت تقريبا باولى متوسط كيف اتصرف اذا جت وعلمتني انه لازم اغتسل اذا طهرت هذا اللي تقوله بس
واللي اقصد اني لازم اعرفها مثلا غشاء البكاره ماكنت اعررررف شي عنه ابد الا قبل 6 اشهر تقريبا كنت جالسه مع زميلاتي ويتكلمون عنه وانا مافهمت شي بس عرفت منهم .. قلت لهم وش عرفكم ؟ قالوا امهاتنا قالو لنا <<< ماادري اليه امهاتهم يعلمونهن وانا امي تستحي تقولي الا الان ماكد قالت لي شي

الشي الثاني بعد مره ضحكوا علي صديقاتي يوم كنت بثالث ثانوي كان فيه درس في احد المواد يتكلم عن الحمل والامومه ..فما ادري وش السالفه بالضبط بس المهم اني عرفت ان المرأه تولد من تحت <<<عاد انتم افهموها
لكن انا على بالي انه يفتحون بطنه ويطلوعن البزر .. والمشكله انه قبل مااعرف بالسالفه هذي كنت اسأل امي اذا ولدت اقول لها يصير مكان خيوط ببطنك وتقول ايه <<< تصرفني
يعني مو معقوله بثالث ثانوي توي اعرف وفيه بنات بالابتدائي اكثر مني خبره

وفيه اشياء زي كذا ياما تفشلت ويقولون لي برييييئه معقوله ماتدرين !! .. امي مستحيل تقولي مااعرف الا من صديقاتي احس امهماتهن يقولون لهن


وش رايكم ياحريم بكلامي هل انه المفروض ان الام تعلم بنتها وهل انتم تعلمون بناتكم ولا بس امي
والا الان استحي من امي بشكل فضيع اذا جيت اقول لها مثلا عطيني موس اشيل الشعر ازمل واستحي مع اني اعتبره شي عادي بالنسبه للبنات ..


127 تعليق 44,397 مشاهدة

شاركي في النقاش

سجلي الدخول لإضافة تعليق.

التعليقات

121
  1. @mgrd_anth_13

    يا قلبي امك شكلها من النوع اللي يستحي مثل امي بس اهم شي علمتك عن الدوره الشهريه لان مهم كل بنت تعرفها
    اما الباقي نفسك عرفت من اللي حولي والحمدلله ما تحسست ان امي ماعلمتني انتي لا تكبرين الموضوع

    والله يكفينا في هالزمن حتى الصغار يعرفون كل شي من هالقنوات
  2. والله احس مافي بنت بالدنياا ماتعرف هالشي
    وخصوصاالحمل والولاده
    البنات يعرفون ادهى من كيذا موبس ولاده
    وكلناعشناوامهاتنامستحيل تقول كيف اولدوالاكيف احمل
    اصلامافي موضوع يجيب السالفه هذي
    بثالث ثانوي ولاتعرفي
    وعندك نت وفضائيات وكل شي الدنيامتفتحه
    شي غريب بجد
  3. @momo_almomo

    حبيبتى اولا مو ضرورى الام تعلم البنت على ادق التفاصيل المهمه وهذى الاشياء تعرفينها انتى من نفسك
    وحلو تكون البنت بريئه وماتعرف شى الا بوقتها والله انا تزوجت وانا ماعرف شى عن الزواج
    والدوره الشهريه كنت استحى اقول لامى انها جتنى ونصيييييييييييييييييييييييحه لاتشغلى بااالك بهذى الامور
    وراح تعرفيها بنفسك والله يعينا على بنات اليومين يعرفوا ادق التفاصيل من الابتداااااااااااااااااائى
  4. @bnoth_kyot_42

    اغلب الحريم الكبار كذا لانهم يستحون بس والله ضروري الام تقول لبنتها بصراحه مررررررررررررررررره غلط انها ماتخبرها عن غشاء البكاره مثلا لان البنت مسكينه ممكن تخرب نفسها وهي ماتدري والله بنتي سادس واكثر الاشياء قلت لها هيه ماابغاها تمر بتجربتي وبحاول اكون صديقتها بس والله امك اكيد تستحي عادي انتي اساليها عن اي شي تبين والله مادريت انه فيه غشاء بكاره الا قبل زواجي باايام باالصدفه وبرضه ربي رحمني وصدف لي كتاب عن امور الزواج قبل زواجي بفتره قصيره لان امي الله يرحمها كانت تستحي وبعدين اتوفت وانا صغيره مالحقت اعرف منها شي الله يرحمها الغاليه بس انتم هذا الجيل تعرفين كل شي عن طريق النت مو زي ايامنا

تابعي تجارب أخرى من هذا القسم.