ابي بيبي

السلام عليكم

يا بنات تكفون انا نفسيتي تعبانه سويت اشعة الصبغه في شهر 2
وطلعت النتيجه ان عندي انسداد في الانابيب وانا لي اربع سنوات متزوجه
وسويتها في مستشفى حكومي صغير و حولوني على مستشفى الملك فهد
التخصصي في بريده مركز العقم واطفال الانابيب و الصدمه الكبرى انه قال الدكتور
بكل بروده ماينفعلك غير تسوين طفل انبوب وهذي الطامة الكبرى عندما سمع زوجي
هذا الخبرورفض زوجي طفل الانبوب واستغربت من الدكتور يوم ماطلب مني فحص
لتأكد من سلامة الانابيب وطلبت من الدكتور عملية منظار لفك الانابيب وقال ماعندي
الشي هذا وطلبت منه اعادة عملية الصبغه لتأكد من الانابيب و عدت عملية الصبغه
مره ثانيه اليوم الساعه وحده قالت الدكتوره اللي سوتها مشاءالله المحلول مر بسرعه
في واحد من الانابيب يعني واحد سليم والثاني لا و النتيجه عند الدكتور الاسبوع الجاي
الي جربت مثل حالتي تقولي هل يمكن فتح الانبوب بي أعادة الصبغه واذا كان ينفتح هل
يحصل حمل بأنبوب واحد واذا كانت مقفله كل الانبوبين يمكن فكها بالمظار لان زوجي
يفكر بوحده ثانيه
نصيحتكم يا بنات الله يرزقكم بذريه الصالحه والجنه
سامحوني على الاطاله


20 تعليق 1,792 مشاهدة

شاركي في النقاش

سجلي الدخول لإضافة تعليق.

التعليقات

20
  1. @lylas_11

    الله يرزقني وأياك وكلللللللل المحرومات بالذرية الصالحه السليمة المعافاه من غير تعب ولا نصب

    ان شاء الله يصير حمل اذا المشكلة في انبوب واحد لأن اللي اعرفه ان التبويض كل شهر من مبيض

    واللي اعرفه كمان ان المنظار يفتح الانابيب المسدودة بحول الله وقوته

    بالنسبة لزوجك هذا هم اغلب الرجال على طول الحل السهل عندهم الزواج
    ويشوفون العلاج تكاليف مالها داعي
    اما تكاليف الزواج سهاله وبسيطه
    حسبي الله ونعم الوكيل
    بس مالنا الا الدعاء
    اوصيك بكثرة الاستغفار والدعاء ان ربي يحنن قلبه عليك وأن لايجعل له زوجة غيرك ويرزقكم الذرية اللي تهدي بالكم وتريح قلبكم
  2. الله يهدي حبيبتي لاتخافي اقري سورة البقرة كل يوم وباذن الله تشفين وترزقين بالذرية يارب ارزقنا طفل سليم
  3. @lymonh_toty

    نامي يقلبي ووكلي امرك بالله وحطي ببالك ان الدنيا فانيه

    واذا الرجال حط بباله الزواج حيتزوج لو عندك درزن عيال

    فلا تهتمي ولاتكدري خاطرك مايستاهلون اصلا

    نامي وكبري المخده وخلي املك بالله كبير ودايم ادعي ربي اشرح لي صدري ويسر لي امري

    ويارب تحملين باحلى توئم

تابعي تجارب أخرى من هذا القسم.