مساء الورد
بنات زي ماهو بالعنوان انا متزوجه حديثا مادري وش المفروض اقول وايش المفروض ماقول
يعني هل ابدا اطبخ ولا اطلبه يجيب من برى لااني من يومين بديت اطبخ
وانا ساكنه بعيد يعني مش عند اهلي ولا عند اهله
احس السوالف بينا خلصت واليوم حب يطلع لااصحابه وقلت له يطلع يسهر معهم بس احس يعني عيب يخليني لحالي وفي نفس الوقت اقول راحه شوي
هل فيه شيء اتجنب اقوله احس اني ضايعه ودي اعوده على طبايع حلوه هو يحب يشرب ببسي ليل نهار فجر فطور غداء عشاء ويدخن كثير ومره طفشت مادري وش اسوي
يطلع يدخن برى بس ريحته تحوم كبدي لما يجي وقليل مايفرش اسنانه انا نظيفه جدا افرش 3 مرات باليوم وبعد كل وجبه ومضايقني حركة عدم تفريش الاسنان والدخان يدخن حوالي كل ساعه سيقاره لما خلاص راسي انفجر داخل طالع كيف افهمه اني متضايقة
احس انه ظروفه الماديه على قده بس كل البنات يقولون لي اضغطي عليه يجيب لك اي شيء بس وش يجيب لي
انا نفسيا احس لو عنده بيجيب بس فعليا ماعنده شيء ومابي ارهقهه
وش رايكم يابنات
شاركي في النقاش
سجلي الدخول لإضافة تعليق.
التعليقات
83- حبيبتي بالايام الاولى فيها تعب طبيعي بتاخذين وقت على ماتتأقلمين
الشي الثاني ياقلبي توك 10 اياام وش تطلبين بدري مره ولسااك عروس واغراضك جديده ماامدااك احتجتي شي وياقلبي لو خرجتوا وعجبك شي وحسيتي انه بيفيدك اطلبي لكن طلب لمجرد الطلب لا خلك قنوعه ودام وضعه المادي على قده اصبري وصدقيني لاتحسن وضعه مابينسااك وبيقدر الي سويته
بالنسبه للتدخين قوليله انا خايفه عليك انت مره تكثر حاول تخفف وبيني انك حريصه وان شاءالله ربي يكرهه فيه
الله يسخره لك ويجعلك اسعد زوجه - عشر ايام وتقولين له يروح يسهر مع اصحابه
لا يروح لهم الله يسلمه ويرجع مايتركك لحالك ماحولك احد تعرفينه
ماعليك من البنات لاتضغطين عليه ولاشيء..
الي محتاجته قولي ابيه والي ماتبينه لاتضغطين عليه فيه خاصة انك عارفة ظروفه .. - توك عروس اكيد بتكوني ضايعه احس ببداية زواجي بغيت انجن مع ان زوجي حبوب معاي بس انتي نفسيا تتعبي غربه وبعد عن الاهل وشخص جديد بحياتك معاناه ميحس فيها الا الي جربها عليك بالصلاة والدعاء بالتوفيق لك وان الله يهدي زوجك يترك الدخان وكلميه وهورايق انك ماتحبي الدخان وانه ضار بصحته
وخلي صديقتك امك هي الوحيدة اللي تستشيريها - عادي قولي له حبيبي في شي مضايقني وما احبك تزعل انا ماطيق ريحه الدخاان ابد وودي انك تخفف منه او ع الاقل انك ماتخليني اشمه اذا كنت جمبي .. واذا طلبك للفراش قولي له بس افرش اسناني واجيك عشان يتذكر عشان ولو مافهم قولي له ياليت تفرش لان تعرف ان الحريم مو متعودات ع الدخان ولا نحب ريحته لا بالنفس ولا باللبس عادي قولي له لاني احب استمتع بانفاسك من غير ريحة دخااان ويقوم كمان لورحتي الصيدليه خذي الورق الخفيف اللي يذوب بالفم بنكهه النعناع وخذي واعطيه وخلي دايم ع التسريحه لبان بالنوع اللي تحبيه
ومن ناحيه طلب شي اذا قصدك تمشيه عادي لو فرفرة بالسيارة او تسوي شاي او تاخدو عصير وتنزلو حديقة او بحر مو شرط اسواق والاكل بيني انك جيعانه عشان يجيب خفايف للبيت تاكلي منها متى مابغيتي
وربي يسعدكم ان شالله
ودعواتك لي بالولد الصالح - بدري على الطبخ لا تدخلين المطبخ الحين ان شاءالله رمضان جاي ولاحقه عليه انتي توك عروس ولا تخلينه يطلع بعدين يتعود خليه يحس ان وراه مسؤليه
الله يوفقكم ويرزقكم الذريه الصالحه
مواضيع مشابهة
تابعي تجارب أخرى من هذا القسم.