الندوة العالمية للشباب الإسلامي .. الفرع النسائي بالرياض ؟

خاصية الارسال فيها مشكللله الظاهر .. مش راضي يرسل

ممكن الرقم اذا تكرمتي ؟

ياليت الرقم الله يجزاكم الجنه لو على العام
واى معلومات عنهم ياليت اللى تعرف تعلمنا
وكم يوم بالاسبوع ؟؟
كم رسومهم؟؟
الموقع بالضبط؟؟
وكل المعلومات اللى تعرفونها حطوها عشان الكل يستفيد منها

رقمهم 2082420
موقعهم حي الروضه خلف مجمع اليوسف مباشره
واذا حابه كتبت لك الوصف بالتفصيل
انا اعرفهم من 4 سنوات سبق والتحقت معهم متطوعه مرتين ومره طالبه
وهي قسمين قسم للناشئه : متوسط وثانوي وجامعي وامهات
وقسم اطفال: رياض اطفال وابتدائي
والمنتدى الصيفي يكون من السبت الى الثلاثاء من الساعه 5 العصر الى 8ونص
احيانا يخلونه شهرين واحيانا 6 اسابيع على حسب
رسومهم العام الماضي كانت 700 لمدة 6 اسابيع
انشتطهم منوعه بين تحفيظ قران وحاسب ومسرح والقاء و.....و......و....
ويودون رحلات لنادي دله للكبار ولمكتبة الملك عبدالعزيز للصغار
وهي حلوه للصغار والكبار
اذا رحتي بتشوفين عوايل كامله من الأم الى اصغر طفل مسجلين
ويسوون حفلات على مستوى اذا سمعتي عن حفل عيد الأضحى الي يسوونه كل سنه في قاعة الخضير في مدارس التربية النموذجيه


وعلى فكره هي مو فاتحه بس بالصيف خلال الترم كله ممكن تسجلون في الملتقى كل اربعاء
غير الدورات الي تصير هناك
وفيها روضة اطفال مره يمدحونها
انتي وش تبين بالضبط عشان اقدر افيدك

لكن منتيب ندمانه ابدا المكان رائع جو اسلامي مريح بعيد عن التعقيد

اي سؤال انا حاضره

موكاتشينو
انا ودي اصير متطوووعه
وش الاجراءات

اختي اميرة الورد
انا لي فتره منقطعه عنهم ومشغوله ومادري راح التحق معاهم هالسنه ولا لأ
ولا كنت انا مهدت لك ومشية امورك
شوفي حبيبتي تحري اي فرصه يوم اربعاء
او مناسبة او مهرجان عندهم وروحي لهم شوفي الجو واسأليهم

او نهاية الأمتحانات روحي لهم واعرضي عليهم تتطوعين عندهم راح يرحبون فيك لأنهم مررررررررررررره محتاجين بنات ويسألونك عن اماكاناتك
احيانا يتطوع عندهم طالبات ثانوي
مثلا اذا انتي تخصصك فنيه بيمسكونك المرسم
او اذا تعرفين تجويد بيمسكونك حلقة
وبيني لهم انتي وش تحبين تمسكين لأن الشخص صعبه يبدع في شي مايحبه
وهل انتي حابه تشتغلين في الناشئه ولا تبع الأطفال
شوفي انتي وش حابه"
واذا تبين نصيحتي روحي انتي ووحده من زميلاتك تشجعون بعض
بتنبسطين وجوهم مرررررررررره حلو ويقدرون الي يتعب معهم

واي استفسارات ثانيه انا في الخدمه
معليش ماشرحت كثير لأني مستعجله