مستشفى الملك فيصل التخصصي "موقف المني أكثر من الالم "

أختي أنا طبيبة و دارية أنو اللي تقولي عليه غير منطقي أبدا... مستحيل مريضة تعاني من ربو حاد تجلس برى.. طبعا انا هنا ما أقدر أشرح لك طريقة تقيم المرضى و على أي أساس الممرضات و الأطباء يقيمون الحالة إذا تستدعي أو لا... أمامسالة اللبنانية خلينا نفترض أنها ممرضة بقسم ما او حتى زوجة دكتور ما تعتقدي أنها أحق بالدخول قبل كل الناس و العلاج و بعدين أنتي مثلك مثل الشخص اللي ما شاف الحدث من أول انتي ما تدري هاللبنانية ايش فيها ولا ايش قصة حياتها.. هل انتي عارفة اذا هي مريضة سرطان أو لا؟؟... و على فكرة مستشفى الملك فيصل التخصصي ماهو مفتوح لعامة الشعب لو جيتي للحق هو للأسرة الحاكمة و رؤساء العالم و سفرائهم.. ولا تبغينهم يروحو للشميسي مثلا؟؟؟
احنا السعوديين هذي مشكلتنا فاهمين بكل شيء... نبغى لما نروح مكان على طول الأبواب لازم تنفتح لنا و الكل ياخذنا بالأحضان و يسون اللي نبغى ولا ترى المستشفى لناس وناس لا, و نصير نجلس و نقيم الحالات على كيفنا على كذا يا خسارة السنين اللي درست فيها طب انا وغيري من الأطباء و الطبيبات مدام كل سعودي و سعودية فاهمين الطب و عارفين مين اللي لازم ينحط على سرير الطوارىء و مين لازم يتحول عناية مركزة و مين لازم ما يدخل المستشفى من الأساس..
لو كل واحد ما عجبته الخدمة لأنه مو فاهم ايش الهرجة ولا كيف الممرضات و الأطباء يشتغلوا يروح يشتكي و أقولها بالفم المليان محد راح يهتم...لأن قوانين و أنظمة مستشفى الملك فيصل التخصصي واضحة لوزارة الصحة و لأي جهة معنية..

وزيارة واحد منك للمستشفى تريك من الذي يحضى بالعلاج وما اكثر الجنسيات حضوة


عزيزتي انا من 10 سنوات اراجع بالمستشفى واكثر المراجعين هم سعوديين وواضح من هندامهم انهم من ذوو الدخل المحدود

حمدالله على سلامتك وبإسم جميع نساء المملكة وصلي الموضوع لأعلى جهة ممكن أن تصلي اليها

الله يعين