تفريز المعجنات قبل الخبز أم بعده؟

السلام عليكم ..
أخواتي ممكن تساعدوني , ما هي أفضل طريقة لتفريز المعجنات ( الجبنية والبيتزا و..............) هل أفرزنها قبل ما أدخلها في الفرن أو بعده ؟
واللي جربت تفرزنها قبل الفرن هل تنتفش وطعمها يتغيرلأني أشوف صعبة أنها تتفرزن بعد الخبز في الفرن ؟
وممكن طريقة تفريز الكشنة ؟ وممكن أصناف تتفرزن ؟
لأني أمر بظرف صحي وأبغى أفرزن قبل رمضان ..

6 تعليق 22,591 مشاهدة

شاركي في النقاش

سجلي الدخول لإضافة تعليق.

التعليقات

6
  1. @aanoood_5

    عندك السمبوسك و الكبه وورق العنب والملفوف اكثر شي تتفرزن
    والكشنه سويها عادي خليها تبرد شوي وحطيها بأكياس وفرزنيها

    والجبنيه مدري شلون بس البيتزا قليل اشوف اللي يفرزنوها

    بس شفت عند وحد مره عجينه على شكل دوائر مجمده تطلعها تخليها لين يروح الثلج وتحط عليه اغراض البيتزا وتدخلها الفرن
    هي مشتريتها جاهزه من المحلات كذا ممكن تتسهل عليك البيتزا

    وان شاء الله ماتشوفين شر بخصوص ظرفك الصصحي
  2. @mlath_8

    الفطائر العام برمضان اختصرت علي وقت كثير ولله الحمد ضبطت وطعمها طازج

    طريقتي فيها اخبزها بس من تحت واخليها تبرد بس وافرزنها واعند الحاجه اطلعها وامسحها بصفار بيضه واخبزها من فوق بس

    البيتزا قصصتها دوائر حسب الحجم الي ابيه وخرمتها بشوكه وخبزتها من تحت بس وفرزنتها وعند الحاجه حطي بس الحشوه واخبزيها من فوق

    فطائر التوستر او الأله الي مثل جيب التاجر سويتها وفرزنتها اطلعها بس فتره وهي تلين كأنها توها مخبوزه اشقها من النصف واحشيها


    جربت اخبز الفطائر كامله وطلعت لي يابسه وطعمها متغير خبزها من تحت احلى والذ وكل ما كان الحشوه مافيها كراث او بصل تطلع احلى انا اغلب حشواتي جبن ...


    الكشنه اذا حمست البصل والطماط اضيف صلصه واطحنها بالخلاط وارجع اطبخها ثانيه الى ان تثقل واخليها تبرد واعبيها بالعلب البيضا ام غطا لوقت الحاجه بس ما احط ملح بس بهارات ...


    الأغراض الي تتفرزن كثير والمنتدى مليان من هالمواضيع .
  3. @akram35

    عااادي انا افرز البيتزاء قبل مادخلها الفرن ووقت ماابغاها اطلعها واخبزها وتطلع كأني دوبني خبزتها

تابعي تجارب أخرى من هذا القسم.