سيراميك الحمام قبل وبعد كانه لسه متركب ادخلي موضوع جديد خالص



السلام عليكم ورحمه الله بركاته
فواصل السيراميك بقي فيها حفر كتير من غسيلها بماء النار والفلاش وملح الليمون وشكلها مش عاجبنى قولت اغيرها
والموضوع سهل جدا وبسيط ومش بياخد وقت ولا تكلفه اما اللي الفواصل سليمه بس مصفره او سودا تغسلها بملح ليمون وخل وفرشاه اسنان
دا السيراميك قبل




دا اسمنت ابيض

هتدوبيه في شويه ميه ومتخليهوش تقيل متوسط زي كدا

ولازم البلاط يكون ناشف وحطي عليه الاسمنت

ووزعيه كويس بالمساحه
وسبيه لما ينشف تماما




وبسلك مواعين ناشف حكي السيراميك كله هينزل بودره
زي كدا

واتفرجي علي السيراميك كانه لسه متركب دلوقتى
بس اهم حاجه ميجيش عليه ميه لغايه لما ينشف كويس

وادعولي ربنا يشفي زوجي وينجحه في امتحاناته خلاص الاسبوع القادم
ومن فضلكم ادخلوا اللينك اللي في توقيعي

306 تعليق 86,361 مشاهدة

شاركي في النقاش

سجلي الدخول لإضافة تعليق.

التعليقات

300
  1. @lana_49

    يعطيك العافيه وجزاك الله خير...

    ربنا يشفي زوجك وينجحه ان شاء الله...

تابعي تجارب أخرى من هذا القسم.