عقدتي الوحيدة :::حمامي:::

السلام عليكم بنات حواء...

بدخل في صلب الموضوع...

وهو من عنوانه حمامي...

يا ناس والله تعقدت من هذا الحمام...

أول شيء كانت عندي مشكلة الفطريات الي نمت في الحمام وطبعا نظفته وافتكيت منها...

ألحين دايما انظف الحمام...بس خاطري مرة انظف الحمام واشم ريحة حلوة...احسه بس نظافة من دون رائحة..ياريت لو تدلوني على منظفات للحمام تكون فعالة وفي نفس الوقت لها رائحة رائعة واتم ما تروح على طول

والمشكلة العظمى ...زوجي ...بس يدخل الحمام ويطلع الحمام كله مليان مااااي..

الله يهديهم ما ادري ليش يحبون يعذبونا...

والمشكلة الثانية...غير الرائحة...

أبي احطي اكسسوارات لحمامي بس مخي مليان بحوث وتقارير وماعندي فرصة افكر في حمامي...

فأبيكم تساعدوني ...أبي اخلي حمامي حلو ...بحيث الي يدخله ما يبي يطلع منه...

عطوني افكاركم في الحمام...ترى حمامي ما فيه شيء ولا اكسسواره وحدة بس محطيه شموع وحتى الشموع احس انه مكانها غلط...

بنات بليز ساعدوني تراني بدات اكره حمامي ومااحب ادخله...

عطوني أي فكرة وخبروني من وين اقدر اشتري اكسسوارات الحمام ...ماعلى تراني من زماااان مادرت في المراكز ومارحت مكان فعلشان جي ماعندي فكرة عن اماكن بيع اكسسوارات الحمام..

بصراحة احب اجمل المكان الي انا فيه والحمام يعتبر ملكي فأحب يكون حلو وفيه لمساتي وخاصة يوم يدخل زوجي الحمام أبيه يحس انه حمام مافيه مثله...

بصراحة احس بسبب قلة طلعاتي مااحصل فرصة اني ادور واقرر شو اشتري...يعني يوم اطلع لازم اعرف وين ابي اسير وشو ابي اشتري..وخاصة انه زوجي دواماته زفتة يعني يوم انا دوام هو اجازة ويوم انا اجازة هو دوام يمكن يوم يصادف ان احنا الاثنين اجازة عاد في ذاك اليوم يا يكون فيه مباراة وراحت علي الطلعة يا اهله يبون منه مليون شغلة وشغلة يسويها فيكون راسه مليان شغلات..

علشان جي يوم اطلع احب احدد المكان الي ابي اسيره وشو بشتري..

ادري طولت عليكم بكلامي..

بس ياريت تساعدوني...

للمعلوماتكم ...ترى حمامي لونه ازرق..ومستطيل الشكل..

بليز ساعدوني يا بنات...

ادري انكم مبدعات وخبيرات في سوالف التنظيم والترتيب فساعدوني..