يوم الاربعـ ... ( كنت مستانسة وفرحانة بدون سبب )
....رحت للطبيبة على الموعد .... اجان تسألني ما فيه تقلصات ..؟؟؟؟ وانا من اللقافة :D قلت لها ايه تجيني احياناً من زمان يعني من الخامس او السادس ... طبيعي ومو منتظمة .... انا ويش لقفني وقلت لها
..على طول سوت لي تحويل لجناح الولادة حتى يعملوا لي تخطيط ... ( جاتني صدمة ) لما دخلت الجناح وتذكرت المآسي الاولية .. قلبي قام يرقع من الخوف وما ادري ويش السبب !!!!
خصوصا لما شفت اللافتات على الابواب ( غرفة ولادة ....... غرفة مخاض .... غرفة ........) .... عملوا التخطيط وتأكدوا ان البيبي بخير وان التقلصات عادية .... ورجعت البيت وطول الطريق ساكتة ومكشرة ... وعيوني تبرق
( فيها دمعة متعلقة ) ... ابو الشباب يسألني ليش زعلانة ؟؟؟ انا ما صدقت !!! وهاتي ....اهئ اهئ اهئ 
... ايه ليش ؟؟؟؟ قلت ما ادري بس خايفة وما ودي اولد .... رد علي : بس مو اول مرة ... قلت له مو هاذي المصيبة اني مو اول مرة ... يعني اعرف التفاصيل !!!! والى اليوم احس روحي كئيبة ومالي نفس لشي ... بس تصدقون وانا في المستشفى تذكرتكم وحدة وحدة وحسيت اني مو بروحي يعني فيه من بيعاني مثلي ودعيت لكم بعد من كل قلبي ان الله يسهل ولادتكم وولادتي ويقومنا بالسلامة ان شاء الله ونفتح موضوع جديد ..... (( تهنئة خاصة لولادات شهر اربعة )) ...