°•.• تجمّع الأمل 49 للمقدمآت والمنتظرآت نَتِيجَة أطْفآل الأنابيب والحقن المجهَري •.•°

السلام عليكم

بنات كل المقبلات على الانابيب ( او اللى يحاولون الحمل طبيعي )

اخذوا هالفيتامين من الالن
روووووووووووعه



http://www.sona.ie/product.asp?id=406
هذا الموقع

قبل محاولاتك واثناء المحاولة

يجنن ويعطى جسمك كل شى ويهياه للحمل

فيه جميع الفيتامينات والاميغا 3 والفوليك اسيد


دعواتكم اى تنجح محاولتى

وطيري يالله اشتري هالفيتامين وانتظمى عليه

من الان


موجود بالكويت بصيدليه بوتس ب 7 دك

وبالسعوديه اكيد بكل الصيدليات ( ب 80 ريال )

تجارب عضوات نجحت عمليتهم في اطفال الانابيب وشلون قضوا فتره 2 اسبوعين ونصايحهم

السلام عليكم

حبيت انقل لكم هالقصص للتفائل

وادعوا لصاحباتها ولكم بالمثل

1-
حبيبتي انه صار لي 15 سنه زواج انه من اول ماتزوجت وانه مايطلع عندي بويضات واذا خذت ابر يطلع عندي بويضات بس سبحان الله تطلع البويضات فاسده وحاولت في مصر ماالله كتب وحاولت في مستشفى فرح عند زيد الكيلاني وما خليت احد الايام تمر والسنين تمر حتى قالو لي انه في مره وايد شاطره في السعوديه في سكاكه الجوف جريب عرعر قالت لي انه الرحم مفتر وفرتلي اياه وبعدين ريلي قالي ماكو الا امريكا ويت امريكا الحين علاج عقم ولي محاوله وحده طلعت لي 3 بويضات وحده انقسمت وماصار حمل والحكومه مسموح لي محاوله وحده وبعدين الدكتور غير لي العلاج وكملت على حسابي طلعت لي 4بويضات وطلعو كلهم فاسدين انه بعدين قلت خلاص الله مو كاتب بس ريلي قالي ****لله الثالثه ثابته وسويت اخر محاوله بالبويضه الطبيعيه اللي تنزل لي كل شهر والحمدالله صار تلقيح بس كان ضعيف تدرين عمري 40سنه بس رحمت ربج يوم التحليل صار التحليل الهرموني 37والحمل 50 قالو لي نطري يومين وصار 69 ارتفع قالو لي حامل والله مااكذب عليج انه ماكنت مصدقه كلت كيس فاضي بس بعد اسبوعين سولي سونار وطلع فيه جنين اللهم لك الحمد بس تدرين انه كبيره مو صغيره مو راضين ارد لانه حملي صعب بس يارب يتمم علي ويرزقج بذريه تفرح قلبج وترزق كل محرومه


2-
السلام عليكم اختي اشلونج عزيزتي ربي يوفقج ان شاء الله وتنجح عمليتج وتبشرينا بالحمل ياااارب العالمين وخلي ايمانج قوي بالله ولا تياسي حبيبتي بخصوص استفسارج عن بعد ترجيع الاجنه مارسي حياتك طبيعيه بس من غير مجهود يعني لا باس تزورين بيت الاهل يعني مكان تاخذين راحتج فيه ممكن تنسدحين قليلا مو شرط طوال اليوم حاولي تلهين نفسج في اي شي عشان تبعدين التفكير في الموضوع وربك ما يضيع تعبك ان شاءالله وكثري من قراءة القران والدعاء وانتي تقرين القران ضعي ايدك على بطنك والله كريم ياحبيبتي والاهم انك لا تياسين وتقولين مابي اراجع بعد اوعي تفكرين بهذى الشي حاولي كذا مره وربك ماينسه عبده يااارب ترزق اختي بالذريه الصالحه ولا تضيع تعبه يااارب العالمين وانا اعتربيني اختك اي استفسار انا حاضر من عيوني اعين وعاون


3-
حبيبتي ربي يرزقج اللهم امين

شوفي قلبي انا الاولى الفريش مانجحت ويوقلونلج ان المجمد في احتمال كبير يصير حمل غلاتحاتين

انا دكتور باتريك اول ما سوى ترجيع الاجنه قال لي مبروك حامل انا طارت عيني وقلتله اي بلي ماكنت مصدقه

يعني ضمن لي الحمل

طبعا كنت ما اسوي شي كلش ملش

بس نوم في نوم

السباحه على كرسي قااعده طبعا بعد ماقالولي اني حامل

ضغطت على نفسي ماتسبحت اسبوعين الجسم بالويت وايبس والشعر غير بطل الماي اللي يمي وكل شوي غلغلت شعري بالماي بس مو سبوح
هذي التضحيه ان كنتي تبين بيبي

الاكل ااكل كل شي كل شي عادي الماي لاوايد ولا هم يحزنون عادي اصلا انا ما احب الماي

ماتمشين لوبيدج تحطين قيصريه بس هذي انا ماسويتها طبعا الحمام لي الفراش هالاسبوعين لين قال لي حامل

لا وتخيلي انا ردلي 2 والباجي ماتوا بس ربي ****لله يثبته هالمره قووولي امين



4-

ممكن تجاوبين على اسالتى يالغاليه عشان تعطينى تفائل

1- كم عمرك ؟

29 و7 شهور

2- ما سببب عدم الانجاب ؟

عندي ضعف تبويض شديد ومسبب في عدم نزول الدورة أبدا إلا بحبوب تنزيل الدورة

3- فترة الانتظار شنو كان اكلك ؟ مرتاحه ولا عادى ؟ نايمة على ظهرك ولا لا ؟ بالتفصيل فديتك ؟

بدأت من قبل ايام الترجيع بشرب الحليب والنشا صبح وليل
وطبقت اغلب ما مكتوب في موضوع مس فيفا من ناحية الممنوع والمسموح

وحاولت اشرب ماء بكثرة

ويوم السحب والترجيع بكل خطوة يسوهوا الدكاترة مثلا طز الابر او اخد دواء ادعي فيها لان هده لحظات مستجابة

وبيوم الترجيع نفس بعد ما رجعت للبنت نمت نومة محترمة خخخخخ وبعدها رااااااااااااااحة تامة نايمة على ظهري من السرير إلى الحمام إلى الصلاة وبس
والصلاة بأول 5 ايام تقريبا أو أكثر اصلي جالسة وما انحني كثير
وبعدها بعد ما خف الألم كل شوي اعدل في صلاتي وبعدها بديت اصلي عادي

وكنت انتظر أوقات الادان وبكل ادن اردد معاه وادعي لي ولكل البنات والله العالم قد ايش دعيت وبكيت

وبتاني اسبوع بديت بصلاة الليل لان الاسبوع الاول يادوب الفرض وادعي فيها وابكي وابكي واقول اللي في خاطري
وأشرب ماء زمزم وادعي ولما اخد الدواء ادعي كمان

والصدقة كل يوم مخصصة للصدقة

والاكل أم زوجي خبرتها اني شبه حامل بس الدكتور طلب مني راحة عشان يتأكد من الحمل فطلب مني راحة اسبوعين وارجع له خخخخخخ وراحت عليها وما خبرت حدى ترسلي اكل مع زوجي
وكنت محضرة وجبات بالفريزر للضمان

وكل ما أنام بالليل أقرأ على بطني الفاتحة وخواتيم سورة البقرة والمعودتين والاخلاص
ودعاء " أعود بكلمات الله التامة من غضبه وشر عباده ومن همزات الشياطين وأن يحضرون " كان هدا دعائي لأن بعملياتي السابقة تجيني كوابيس وأقوم مفزوعة من النوم بس هده المرة الحمد لله والشكر ما جتني الكوابيس
بس لما انسي وأغفى تجيني الكوابيس اول ما اصحى اردد هدا الدعاء ثلاث مرات والله يكتب اللي فيه الخير
اممممممم ايش تاني
من يوم الترجيع بدأت بقران القران ولم اخصص سورة معينة من البداية ليوم النتيجة ختمته وسويت بعدها التحليل المنزلي مع ان التحليل بالبداية كان خط واحد إلا اني جتني راحة نفسية وقلت الله يعوضني وسكتت وبعدها رجعت لقيت خطين

وكنت بالاسبوع الاول أحس بغازات برحمي وألم بجهة اليسار وألم بصدري وطبعا في كثير تهيأت وبالاسبوع التاني وقفت الغازات وكان عندي احساس اني حامل ماعرف ليش بس عندي طمأنينة داتية واحيانا احس ان كثرت دخول الحمام وثقل بالرحم والظهر واحيانا اقول تهيأأأأت والحمد لله والشكر لله والصلاة والسلام على رسول الله


4- باي يوم حللتى وعرفتى انك حامل

حللت تحليل منزلي باليوم 14 محسوب يوم الترجيع
وتحليل رقمي باليوم 15





5-
ليالى الف الف مليون مبروك والله يثبته
ممكن تجاوبين على اسالتى يالغاليه عشان تعطينى تفائل
1- كم عمرك ؟ 22
2- ما سببب عدم الانجاب ؟ضعف تبويض وزوجي ضعف الحركة وتشوهات
3- فترة الانتظار شنو كان اكلك ؟ مرتاحه ولا عادى ؟ نايمة على ظهرك ولا لا ؟ بالتفصيل فديتك ؟بالنسبة لفترة الانتظاركان الاكل كأني اتوحم بس اكل كبسة لحم من مطعم ومااحب طبخ البيت فطوري شكشوكة والعشاءيالكبسة نفسهااوفول بس وكنت اكثرخيار وسفرجل وماء وحليب <المراعي>اشربه طبعامرتاحة اصلي وارجع انسدح بالاسبوع الاول راحة تامة اهم شيءبالبداية قبل كل شيءالتوكل على الله خلي املك بالله موبالدكتورولااحدغيرة وانصحك بسماع الانجاب بين التفاؤل والامل واذاتذكرت شيء كتبته لك





6-
- هذى اي محاوله لك ؟
المحاوله الثانيه وكانت مختلفه عن الاولى بطريقة الترجيع لانو المره هذي عملت ترجيع بالمنظار يعني عملولي فتحات في البطن ودخلو الاجنه بقناة فالوب ونزلت للرحم بشكل طبيعي يعني كانو حمل طبيعي بارادة الله سبحانه وتعالى ودكتورتي الحمد لله كانت ثقتها بالله كبيره انو تنجح ويارب لك الحمد كتب الله النجاح

- كم جنين رجعولك ؟
رجعولي اربعه اجنه

- كم عمرك ؟
32سنه عجووووووووووووووز ههههههههههههه

0 شنو مشكلتج ؟
الحمد لله على كل حال انا ما اشتكي من شي بس زوجي عنده مشاكل بالعدد والحركه والتشوهات

- فترة الانتظار شلون كانت حياتج بالتفصيل مرتاحه ولا لا ؟ وصلاتك وكل شى
شوفي ياعمري بقولك شئ والله وحده الشاهد على كلامي اني من خامس يوم ترجيع وبعد ماحسيت بتحسن من ناحية الغرز اللي ببطني بديت امارس حياتي بشكل طبيعي باستثناء موضوع العلاقه الزوجيه بكل اشكاله يعني اول خمسه ايام نايمه تماما على السرير وامشي بس شوي بالبيت والصلاه جالسه وكانت فروض بس ون اليوم السادس الحمد لله طلعت مشاوير رحت لبيت اهلي مرتين وزياره مره ونزلت السوق ورحت الدكتوره واصلي واقفه واطيل السجود ورجعت للنوافل بس بقولك على السبب الرئيسي وهوه حسن الظن بالله والراحه النفسيه كنت احاول ما ازعل نفسي لو تتطربق الدنيا وادعي الله وانا على يقين بالاجابه والحمد لله


- انا عندى مجمد درجة اولى ادعيلى ينجح وابستفسر منج يالغاليه ابي الامل يتجدد بقلبى
خلي املك بالله سبحانه وتعالى كبييييييييييييييييييييير وثقتك في رحمته بلا حدود
وان شاء الله ربي يفرحنا فيك ويثبتو المجمد بحول الله وقدرته نسيت اقولك كنت اشرب مويه بكثره واقارعليها الكرسي وقوله تعالى وجعلنا من الماء كل شيء حي وانفث في الما ولما اخذ المثبت اسمي وادعي الله انو يثبت اجنتي عشان يتعلق قلبي بالله مش بالمثبت واستفسري عزيزتي من دكتورك عن طريقة الترجيع بالمنظار

خنوسه جزاك الله الف خييييييير ياعسل

السلام عليكم
شلونكم حبايبي
انا كنت معاكم قبل ست شهور والحمدلله الله رزقني بالحمل
اذا تبون نصيحتي طبقوا كلام مس فيفا بالضبط
من قبل تبدون العمليه حتى
وعليكم بالصدقه والدعاء
ادعولي ربي يثبت حملي

الله يرزق كل محروقه ويثبت حمل كل حامل يارب