شغالتي وولدي

شغالتي إندونيسية وهي زينة ما شاء الله وشغلها حلو
وما اعرف اذا هي محترمة او لا بس هي جدامنا لبسها ساتر
من اسبوع سلفتي سافرت ويابت شغالتها الفلبينية عندنا
اليوم ولدي ياي يقول وهو مستحي ماما شفت (ايربا) شغالتنا فغرفتها ما لابسة وراح فتح كبتي ويقول بس لابسة هذا
ويأشر على ملابسي الداخلية سألته عن الفلبينية يقول هي بعد ما لابسة والحين خواتي قولوا لي شو اسوي اسكت عن الموضوع ولا انازعها؟؟؟؟
ولدي من النوع اللي ما يكذب وانا ما اخلي يروح عندها لأني ما اوثق فيهم
بس ولدي الحين عمره 3سنوات وما اقدر اراقبه في كل الاوقات
للعلم انا وايد خوافة وما اعرف اواجه
شو الحل يزاكم الله خير؟؟؟ 

33 تعليق 3,842 مشاهدة

شاركي في النقاش

سجلي الدخول لإضافة تعليق.

التعليقات

32
  1. @quiet_angle

    لا تقوليلها بس خليك يقظه مرررررررررررررررررررررررررررره يمكن تحقد على الولد ولا تحسسيها انه قالك بس حاولي ماتستقبلي الخدامه الثانيه عندك وتحججي بأي سبب والله يكفينا شرهم بس
  2. @klby_mtsl_bk

    لا تكلمينهم لما تشوفين بعينك
    وحاولي تدخلين عليهم فجاءه في اي وقت اخر الليل الصباح وهم نايمين اي وقت ادخلي وتاكدي
    والله يعينك عليهم
  3. @bnt_saaad

    لا لا تجيبين لها سيره علشان ما تحقد عليك وعلى ولدك بس راقبيها من بعيد
    ولا تخلينها تحتك في الفلبينيه لان الفلبينيات وسخات <<<هذا اللي اسمعه والله اعلم  

تابعي تجارب أخرى من هذا القسم.