سلام عليكم
اليوم اتكلم مع ماما وقلتلها ع المنتدى وقد ايش البنات ساعدوني ونصحوني في مشكلتي اللي كتبتها لكم
قالتلي طيب خليهم يشورو عليا في مشكلتي مع بنتي < اختي الكبيره
كلامها بالنص :
[ انا زوجت بنتي البكر وكانت اول فرحتي .. فرحت فيها وهي عروسه بفستانها الابيض اكثر من فرحتي بأختها اللي تزوجت معاها بنفس اليوم .. مر على زواج بنتي هذي 3 شهور ولليوم وهي اسبوعيا تجي تشتكي من زوجها وكل مره اقولها كلميه خليه يجي ونتفاهم معاه ترفض .. انا وابوها مسكنا الولد وكلمناه بدون مانعطيها خبر لأننا فعلا تعبنا من الشكاوي اللي اسبوعيا هذا غير المكالمات اللي يوميا وكلها تشكي .. البنت من يوم ماتزوجت لليوم نزل من وزنها 10 كيلو وكل يوم وهي في النازل وكل ماشوفها بعيونها بكى ودموع .. مسكنا الولد وكلمناه انا وابوها وهديو فتره بسيطه تقريبا اسبوع ورجعت مره ثانيه تشتكي .. وللمعلوميه هي شخصيتها قويه في البيت واستفزازيه لأبعد حد بس للأسف عند زوجها واهله زي البسه حتى ابسط حقوقها في الكلام ماتاخذها .. وتعبت من الكلام معاها لدرجة اني قلتلها يابنتي اجلسي عندنا كم يوم وفكري بهدوء وشوفي هل تقدري ترجعي تعيشي حياتك هنا في بيت ابوكي زي اول بعد ماتزوجتي دحين ؟ هذا الكلام حصل الاسبوع اللي راح لأن زوجها سافر في عمل وحطها عندنا جلست يومين . ( مع العلم انها لمن تكون في بيتها احس انها تبغاه والدليل انها بتتحمل كم يوم بس لمن تجي عندنا توجع لي قلبي ) .. ومع العلم كمان اني والله شاهد عليا انا وابوها ماغصبناها على الزواج من هذا الانسان ابدا وكانت تعرف عنه عمره وتعليمه و مستواه المادي و انه يدخن .. افيدوني ]
شاركي في النقاش
سجلي الدخول لإضافة تعليق.
التعليقات
8- الله يعين طيب شوفي اساس المشكلة ايش هي وعالجووها ...
الله يسخرهم لبعض .. - هذا شي عادي انتي تقولين ان لها 3 شهور متزوجه لسى ما تاقلمت مع لعيشه والجو الجديد هي عايشه كل عمرها عند اهلها وفجاه تترك البيت الي تربت فيه والناس الي تعرفهم وتروح لمكان غريب عليهاوناس ما تعرفهم يبيلها وقت لحد ما تتاقلم وبعدين تلقين المشاكل عاديه وتحصل في كل بيت بس هي ما عندها خبره وكل منهم يبغى يفرض رايه ويكون هو لمسيطر ولا تنسين انهم شباب وكل واحد منهم عنيد حاولو تفهمون وجهه نظرها باظبط وهو وش رده
اسفه على لاطاله وي استفسار على الخاص - يمكن تكوون عين لاسمح الله والله الامور هذه المفروض مانستهين بها ابدا
الله المستعان وكمان انصحيها بكلام حلو وطيوب وكل سي باللين بيمشي ان شاء الله - توت
كثير تكلمنا معاها ونبغى سبب واضح ماهي راضيه تقول كل اللي تقوله انه فارق السن كبير وانه يدخن و انه مومتعلم وهي جامعيه مع العلم اعيد واقول انها كانت عارفه من قبل الزواج بكل الاشياء هذي والله شاهد علي انا وابوها ماغصبناها ومشكلتها الاكبر انها شايفه نفسها عليه جدا جدا عشان الاسباب اللي قلتها قبل شوي العمر والشهاده .. نصحتها كثير والولد ماشاءالله ما امدحه بس ابن ناس وكمان مابغى اقول الغلط كله من بنتي بس فعلا نفسي اوصل للأساس وماني قادره ماني عارفه كيف اتفاهم معاها ايش التصرف اللي لازم اتصرفه .. كلام وتكلمت معاها ومع الولد وبرضو مسكناهم هي وزوجها انا وابوها وتكلمنا معاهم واخر شي الاسبوع اللي راح قلت يابنتي اهم شي راحتك اذا ماتبغيه تكلمي وفكري بما انك عندنا اذا ماتبغيه ومنتي قادره نكلمه وخلاص .. وبرضو ماترضى - هيبه شماليه
جا في بالي الموضوع هذا لانه قبل الزواج واول مانخطبت لهذا الولد كانو فيه ناس من جماعتنا يعيبو في الولد ويتكلمو عليه بالبطال قدامنا كثير وللأسف الناس هذول من اقرب الناس لنا .. اللي شككني انه الادميه اللي تكلمت تصير من نفس جماعة الولد ماخذين من بعض بينهم قرابة .. والادميه هذي عندها بنت فوق الـ 28 ماتزوجت .. زوج بنتي هذا اقربلهم مننا واخوات الولد وامه دايما مع الادميه اللي تكلمت وبناتها .. يتزاورو ويطلعو مع بعض وعلاقتهم قويه
انا قلت يمكن استكثار الله يكفينا لأن الولد قريب منهم بس ما اخذ بنتها وخطب بنتي اللي اصغر من بنتها .. وبنتها مازالت غير متزوجه
مواضيع مشابهة
تابعي تجارب أخرى من هذا القسم.