بعيدا عن المبالغات تعالي شاركينا واعطينا نبذة بسيطة عن روتينك اليومي مع زوجك وبيتك

باختصار سهر مع العيال -الله يصلحهم- إلى الفجر ثم أقوم لابو العيال أصلح فطورة ثم شغل البيت ثم الغدا ثم قومة العيال وتسنيعهم والله من قل نومي أحس اني في دوامة وأحيانا أحصل قيلولة وأحيانا لا .. يازين أيام الدراسة منظمة وقتنا غصب عنا -
رزقني الله وإياكن الإعانة على ذكره وشكره وحسن عبادته وأصلح لنا نياتنا وذرياتنا -آآآآآآمييييين ياحي ياقيوم يارب العالمين -

موضوعك أعجبني ولعيونك أقولك روتيني بالإجازة يختلف تماماً عن الدوامات
أنام تقريبا الساعة٣ وعندي ولد عمرة سنتين ينام ١١ وزوجي ينام ١ وانا أسهر نت تلفزيون وأنام واصحي تقريبا الساعة عشرة أغسل واتكميج والبس ترينق واطلع أشيم عالشغالة رتبت بخرت البيت بعدها أوصيها على ولدي واروح للنادي وارجع الساعة٢ القي ولدي صاحي ومتحمم ولابس ومتعطر لبي قلبة ومتغدي العب معاه ساعة واروح غرفتي وأنام الين ٤ وأتحكم واجهز نفسي واروح لاهلي وزوجي يجي ٥ ونص ينام الين ٨ اروح أنسلي عند اهلي والساعة٧ ونص اكون في بيتي معاي قهوووة وحلا من ماما الله لايخليني منها ويقوم يلقي قهوة وحلا وانا طبعي الابتسامة ماتفارقني حتي لو وعلامة مبتسمة ونتقهوي ويلعب مع ولدة وتشوف عاد يا سوق وسوبر ماركت او آهلة او نتعشي برا ومرات اطبخ بس مو دايم على حسب المزاج واذا مرتبطة بالليل مع احد من البنات اروح من بيت اهلي ويجيني بالليل يأخذني ويكون هو عن آهلة
والشموووووع وما إدراك ما الشموووع كل يوم عندي حفلة في غرفتي ولدي يجبرني اشغل كل الشموع تقريبا عشر شمعات مع الفواحات عشان يسوى بيرث دي الرومانسية ورثنااها من هالنتفة ههههههههههه  

انا بنت مو متزوجه بس بكتبلك روتيني اليومي خخخ

أحيانا انام بدري بعد صلاة العشاء عشان الحق اصلي الفجر واصحى ع الصلاه اصلي بعدها اجلس على اللاب توب للظهر واتغدى وارجع اجلس على اللاب توب للمغرب بعدين اطفي اللاب واروح احضر مسلسل على الراي بعدها ارجع للاب توب لحد مانام وهكذا واذا جونا حريم اروح اجلس عندهن مع امي واغلب وقتي على الاب توب او اكلم صديقتي على الجوال
واحيانا ماانام بدري اسهر للظهر على الاب توب بعدها احط راسي وانام للمغرب واصحى واقعد على الاب توب لحد مانام حياتي ملل × طفش × زهق تكفون ادعولي اتوظف وانشغل بالوظيفه

واذا جاءو اخواتي عندنا بالاجازات يتغير روتيني