بنتي..وفتحة سقف الحلق..مشوار الألم والأمل..بالصور

بسم الله ما شاء الله عنها قمر هالبنوته
والله يشفيها ويطمن قلبك عليها على طووووووووووووووول يارب

الله يعافيك ويجزاك خير ويحقق لك كل أمنياتك..اللهم آمين..

وإياك
الله يجزاك خير ويعطيك العافية على المرور..

قصتك مؤثرة أكثر من قصتي بكثييييييييييير..
الحمد لله على كل حال..مشاكل العيون كانت في بنتي الكبيرة ..كان عندها حول..وسوينا لها عمليتين واحدة وهي صغيرة والثانية وعمرها تسع سنوات..
ليتني قريبة منك وأساعدك..
تدرين..أنا حاطة في بالي أن بنتي ممكن تحتاج دكتور تخاطب..بس في نفس الوقت هي محتاجتني أكثر..ونفس الكلام على عيالك..
خلي ولدك يقرا قصص بصوت عالي وأنتي جالسة..وسجلي صوته وهو يقرأ..بعد كذا دربيه على مخارج الحروف..أوفضل شي استخدمي القاعدة النورانية..وهذي القاعدة لها كتاب وأشرطة تساعد اللي ما يعرفون يتكلمون عربي..وهي ممتازة لحالة عيالنا..بعد تدريب أسبوع قولي له يقرا القصة مرة ثانية وسجلي صوته وهو يقراها..وبعدين قارني بين القراءة الأولى والقراءة الثانية..واستمري على ها الحال فترة..وفي كل مرة قولي له أنك قاعد تتحسن..إذا كان التحسن ملحوظ بيني له وين تحسن..وإذا مو واضح فشجعيه وقولي كلامك صار اوضح من أول..
هو إذا حس بثقتك..وحس بانه فيه فايدة في اللي قاعد يسويه..راح يتحمس ويبذل جهده..
الإجازة فرصة..عشان لما تبدأ الدراسة يكون تحسن نطقه كثير..
احكي له عن قصص أشخاص بذلوا جهدهم للنجاح..
مثلا في رجل من زمان كان يتمنى يصير خطيب..بس صوته كان ضعيف..فكان يروح للبحر كل يوم ويصرخ بأعلى صوته ويتحدى صوت الأمواج..وبعد شهور من التدريب صار صوته أعلى من صوت الأمواج..
فيه واحد ثاني كان ما يقدر يحط كلمتين على بعضها..ولا يقدر يتكلم مع الناس..وبدأ يدرب نفسه كل يوم يقرا بصوت عالي ويتكلم قدام المراية عشان يشوف كيف ينطق الكلمات..وصار يقدر يتكلم وصار يلقي محاضرات في جميع دول العالم..
القصص كثيرة بس هذي القصتين مرة مؤثرة لحالته وصدقيني راح تشجعه..
خليه يقرأ القرآن بصوت عالي..كل يوم وشوفي كيف راح يتحسن..
يا بنت الحلال العجم اللي ما يعرفون كلمة عربي يتعلمون لغتنا..ومع القاعدة النورانية يصيرون أفصح منا..يعني هم أحسن منا في إيش؟والمعروف أن الطفل العربي هو أذكى الأطفال على مستوى العالم..
وتذكري أنه كلما بذلتي جهد بنفسك كلما صارت النتيجة أفضل..
يا الله ابدئي وورينا النتائج وخلي اخته الصغيرة تشارككم ..ويا رب ما تحتاج أخصائي نطق..

الله يشفيه ويعافيه..ولا يبكيك على غالي..
وش هسي مشكلة ولدك..يمكن نساعدك باللي نقدر عليه..والله يخليه لك..