ملف خاااص للزوجات الثانيات فقط حياكن الله

مساء الخير انا تعبت وانا اقرى بالموضوع لي يومين ولا خلصت بس حبيت اشاركم انا زوجه ثانيه لى تسع سنين وتعبت من حياتي مع زوجي مو عشان عدل ولا عشان زوجته الاولي بس زوجي اه اه خلاص تعبت واخرتها اليوم جبت العيد وشكله بيطلقني الله يستر والمشكلة اني عايشه عنده على الذكريات فقط الى اول وثاني سنه زواج والحب شين



بنسبة لرنيم لما قلتي بتكملي دراسه انا كملت منتظمه وكان معنا بالفصل عجايز كبار بالعمر عندهن احفاد ولاوعندهن طموح للجامعه بعد اذا انتي من الرياض راح اقولك وين بتلاقين مكان مدارس الكبيرات بالرياض الثانوي طبعا اما المتوسط فاماعرف شي عنها


1\مدرسه 62 الي درست فيها بحي الفيحاء
2\ مدرسة بحي الروضه تح الاوراحت عليها
3\مدرسه بحي المعذر
4\ مدرسه بحي النظيم


انا درست فيها من اولى ثانوي الين تخرجت هذي السنه واتمنى كل وحده تركت الدراسه ترجع تدرس
ولا تقعد حاطه يدها على خدها بس متى يجي شيخ الشباب وش يحب وش يكره بيضيع عمرها وماتحس الاوعمرها راح


بقولكم نصيحه قالتها لنا مدرسة العربي الله يذكرها بالخير
قالت الرجل اول مايدخل حياة المره عنده ثلاث اركان يضل يكسر فيهن حتى تصبح المءه ملكه وحده وحياتها له فقط بس طالعه هو بالدنيا كلها

اولا صديقات المره يبقى ورها ورها حتى تتخلى عن كل صديقاتها
ثانيا\دراستها يبقى يلف ويدور ويزن حتى تتخلى عنها
ثالثا \والى مايقدر انه يخليه تتخلى عنه اهلها مايبي تخالطهم كثير ويحاول يبعدها عنهم قدر المستطاع



انتبهوياحلوات ولاتكوني عايشه له فقط وهو يعيش حياته بالطول والعرض

نظفو القلوب يآبنآت
الحمدلله قلوبنا نظيفه ليش انتي تعلمين اللي بقلوبنا مايعلم خائنة الأعين وماتخفي الصدور الا الله

بودي تشقرون على ملف الأوليآت .. قسم بالله مدري ليه مسمين ملفهم هـ الأسم
ليش اسم الاوليات فيه انتقاص لهم لاقدر الله بالعكس هم الخير والبركه وليش وش تبيهم يكتبون اسم هذي الحقيقه هم زوجات أوليات
وياريتكم يالوحيدات ترتقون وتصيرون نفس تفكير أغلبهم ورضائهم بقضاء الله وقدره

مآغير ضحك وونآسه وذكر ربي وقلوبن نظيفه ونآدر مآيجيبون سيرة الثآنية
والله ياأختي مافتحنا تجمع للضحك والوناسه حنا هنا نفيد ونستفيد

وأنتن مآعندتسن غير والله أنآ قآهرتهآ وأنآ مآكله الجو عليهآ وهي مآهي نظيفه فآالفرآش وزوجهآ مخليهآ للعيآل
أنا ذكرت الأسباب اللي ذكرها زوجي اللي خلاه يعدد ولاتتقولين علي بكلام ماقلته انا ماقلت ماهي نظيفه انا ذكرت وش الحاجه اللي يحبها زوجي في الحرمه ويهتم فيها ومن ضمنها النظافه

وش هـ الكلآ’م أتقو الله وطهرو السنتكم وخلو تجمعكم تجمع يستفيدون منه النآس لادخلوا
ياأختي اللي حاسه نفسها ماهي مستفيده تضغط للخلف وتطلع على طول والحمدلله ألسنتنا طاهره وماحنا محتاجين ناس فيهم عقد نفسيه تقيمنا

للمعلوميه .. أنآ زوجه وحيده لا أولى ولآثآنيه ..
ماهو هذا البلا حنا مايجينا الظن السيء الا من اللي خايفه على زوجها يتزوج وتنقهر اذا سمعت انهم يحبونا الله يزيد محبتنابقلوبهم أكثر وأكثر:icon28:

علشآن مآ تقولون منحآزه ../ بس كلام شفته ومآ عجبني وحبيت أعلق
لا مانتي منحازه بس حطيتي نفسك بالموقف وقلتي وينك يالكيبورد

بعذرهم والله يوم حطو لهآ التجمع 4 نجمآت
والله ياقلبي اذا تهمك النجمات وربي ماهمتنا ترى ولاعديناهم بس تكفين لاتنسين اذا زادن النجمات خبريني اوك واذا زعلانه ان ماحد حطلك نجمه لاتزعلين هذي مني*****:)
وللمعلوميه ترى أنا كنت أناقش أم ريناد وحاولت أوضحلها النقاط هذي بالتحديد لانها وحيده وحبيت أوضحلها وش يهم أغلبية الرجال والاسباب اللي تخليهم يعددون لاتقولون فيه زوجات ماهم مقصرات ماحد داخل فراشهم وعارف وش فيه غير هم والاترى الجمال مايوكل عيش واعتقد انتن يالوحيدات مافيه وحده ماقال لها زوجها اكيد تزوجتيني علشان الجنس صححح ترى هذاتفكيرهم
وبعضهم حب للتجربه والتنويع وأكثراللي كذا يكون نهايته الطلاااق
وربي ماكان قصدي ولابنيتي اغتابها بس حسيت ان فيه وحيدات يدخلون التجمع ويبون يعرفون أسباب زواج الزوج فأقول لهم اهتمو بالمناطق الحساسه ولاتهملين اي تغيير فيها واهتمي بنظافتك وبعدها اذا تزوج لوميه واعرفي انك ماكنتي مقصره معاه ومن حقك تزعلين
لكن ليش اخفاء الحقااااائق
يااختي واقع نشوفه بعض الحريم وربي وانا حرمه أقرف منها كيف زوجها يبوسها ويحضنها
وبعضهن اهمااال في الزوج لدرجة يطلع ويرجع وهي نايمه
وبعضهن كل مازعل زوجها لسانها أطول من لسانه
وبعضهن مالها شغله غير فرفره من بيت لبيت وبالاسواق والزوج ماتشوفه الاوقت النوم
وبعضهن جسمها مترهل وكله شحوووم وبطنها نازل على رجولها من الترهل واذا ناقشتيها تقول والله هذا من الحمل والولاده خربت اجسامنا لاياقلبي فيه نوادي فيه شي اسمه تمااارين فيه وفيه وفيه لكن اذا ماحبت نفسهاودلعتها ليش تلوم ارجال اذا ماهتم فيها ودور بدالها
نماذج كثيييره الله يخلف عليناويهديهم

السلام عليكم

صح كلامك رجائي فيه اشياء تغفل عنها الزوجه

وتفتكر زوجها راضي عنها وللاسف وده انها تغيرها بس هي ماهي حاسه هالشي

من الناحيه الثانيه المفروض عالزوج ينبه زوجته عالاشياء المكروها عنده

واعتب عليكم يابنات بالردود ع الضيوف ليش الهجوم ماقالو خطا
ومن الحين لا تذكرون الزوجات الاولييات نقول تجاربنا بعيييييد عن ذكرهم
مثلا كم عمر زوجته ومدري ايش ماله فايده

هلا فيك سوني سن
انا ماشفت ضيوف يتعدون على أصحاب البيت هذولا يعتبرون دواخل واللي تبي تنصح تنصح بأدب موتحط حركات بهدف الاغاضه وتعد النجمات
وبعدين نبي ناخذ راحتنا بملفنا واللي مو عاجبه لايدخل انا راح اكتب كل اللي بنفسي مادخلت عالم النت علشان اكتم بعد دام نيتي صافيه ماعلي من احد ولا هو ذنبي اذا فسروها على نياتهم السوداء