ملف خاااص للزوجات الثانيات فقط حياكن الله

هلا والله بكل زوجه ثانيه اختي زوجه ثانيه وانا زوجه اولى ومافيها شي
وبالنسبه للي تتزوج واحد متزوج وتكون ثانيه .غالبا الظروف تجبرها وخاصه بمجتمعنا وانا مو مع الاولى الي يكون همها الثانيه وكيف تنكد عيشتها الي تزوج زوجك وهو الي راح لها واذا رفضته راح لغيرها فالي فعلا يستاهل النكد الرجال مو بازيد اغار عليه كمان واحاول اني اجذبه لي من عافني عفته ,,والزوجه الثانيه برضه مو يكون همها كيف تخطفه من بيته وعياله ,,وعندي رد للي تقول الله يجعله مايتزوج علي وبالمقابل في نفس كلامها تقول الاولى لازم تتقبل الشي هذا وترضى بنصيبها ,,ابد مو لازم اتقبل ولا ارضى بشي مو مقتنعه فيه اصلا وذايرجع للواحد نفسه ,,وهذي وجهة نظر اتمنى قبولها ..والله يوفق الجميع

السلام عليكن ورحمة الله وبركاته

اسعد الله اوقاتكن بكل خير

وجعل قلوبكن عامره بذكره ,,

ووفقكن لما يحب ويرضى

هذه كانت المقدمه

بنات ,,

انا اللي لاحظته من توافد بعض الملقوفات علي ملفنا عده نقاط ,,

1)) انهم اصلا مايبون يتناقشون وانما بجعبتهم افكار مسمومه يبون يطرحونها

2)) يفسرون الكلام على هواهم

3)) ملفنا مسبب لهم توتر ماعرف ليش ؟

4)) اذا ريتي عليهم بكلام منطقي قالوا عنك شريره ,, واذا تجاهلتيهم قالوا عنك مب مضيافه ! يعني مابترضينهم الا اذا صفقتي لهم وقلتي انتوا 100% صح

5)) انهم مرابطين في ملفنا وينتهزون الفرص علشان ينقضون علينا نحن حمامات السلام :icon28:

الموهيم ياطويلات العمر ,,

الحمدلله ان نحن ماتهجمنا على احد وردودنا بفضل الله ماخرجت عن الذوق العام وشحليلنا على قدر الدق يجيهم الرد ,, في اطار محترم وراق ومهذب

وطالما نحن ماغلطنا على احد فالملف في امان ياخواتي وان شاء الله مستمر

وترى نحن مضيافات بس اللي بيحترمنا بنحطه على العين والراس ,, واللي مايحترم نفسه بالمقام الاول كيف يبغي الناس تحترمه !


وحيااااااكن الله منو هلّا موجود تا احكي معووو

اهلين و سهلين بالثانيات

قبل كم يوم رجع زوجي من السفر هو و عياله و زوجته الأولى
انا طبعا عند اهلي بالقصيم و هو بالرياض
كل يوم يتصل و يسلم لأن خايف احد يشوفه ..

المهم اليوم راح الاستراحه و كلمني على راحته
و جلس يحكيلي عن سفرته و ووناسته هو و عياله و الاماكن اللي راحو لها
و انا يا حسره جالسه في القصيم ما فيها شي يفتح النفس
اللي قهرني اكثر انو المفروض انا اللي اروح لانه قالي راح نسافر
بأول الاجازه شهر عسل يعن
و الله يا بنات اني مستعده للسفره من ايام الملكه من زمان ودي اسافر
نفسي اشوف العالم و انبسط و العب و اغير جو

بالأخير هم اللي سافرو و انا طلقني بالاسم عشان يرضيهم
و الحين رجعني بالسر و مافي لا سفر و لا طلعات و لا غيره

عاد ان شاء الله راح يجي ياخذني يوم الاثنين و من غير ما احد يدري
راح يمشي الصبح الساعه ٨ على اساس انو رايح للدوام و يجي للقصيم
يبي يجلس عند اهلي ساعه تقريبا عشان يرتاح من المشوار و بنمشي على طول
عشان ما تجي الساعه ٢ الظهر الا و هو في بيته و لا من شاف و لا من درى

الصراحه حلوه ايش فيها لو جاني عادي زي العالم يجي و نجلس و يتغدى
و نشرب القهوه و بعد العصر نمشي

انا متضايقه و قلبي معورني من هذه السفره خايفه يصير او يصير فينا شي

ادعولي يا بنات بالصبر
و ان نوصل للرياض سالمين

والله يامون انتي كاسره نفسي بحكايتك ,,
مانرضاها للي مانعرفه قبل اللي نعرفه ياختي ,, استخيري في استمرارك في هذا الزواج حبيبتي اللي تعيشينه ماتسمينها حياه لا فيها حقوق ولا استقرار ,, قادر الله يرزقك باللي احسن منه وتراه نار اهلك ولاجنته اللي تعيشين فيها ذليله ,, شكلك متنازله عن كل حاجه لذلك هو متمادي والا كيف يعطيها كل الحق ويحرمك من ابسط حقوقك لا عزيزتي عيدي النظر في موضوع هذا الزواج ,, طالما انتي مب راضيه باللي يصير لاتمنين نفسك بانه ممكن يتعدل الوضع وتضيعين عمرك خساره وماتنتبهين الا وانتي خسرانه كل شي ,, وانتي عارفه ان شخصيته ضعيفه اذا ليش تحملين نفسك فوق طاقتها ؟
الله يوفقك ويسخر لك من عبيده