كيف احجز في فندق عن طريق النت؟؟

سبحان الله وبحمده سبحان الله العظيم..

انا بعد ابي اعرف

انا دايما احجز عن طريق النت
من موقع حجوزات او بوكينج
اول شي لما تدخلى الموقع تكتبي اسم البلد الى تبغي الفندق فيها وتاريخ الدخول والمغادرة وعدد الاشخاص وبعدين تضغطي بحث تتطلع فنادق كتير في على جنب تلاقي مكتوب تبغي الفندق يكون قريب من ايش مثلا من وسط المدينة ولا بحي معين ولا متحف وتختاري ويطلع الفندق بالمكان او الحي الى تبغيه تختاري الفندق ويطلع نوع الغرف تختاري الغرفة الى تبغيها جناح ولا ديلوكس او اي شي وبعدين تختاري عدد الغرف وتسوي حجز تتطلع صفحة تكتبي الاسم واللقب والبلد ورقم التلفون والايميل ونوع البطاقة الى هتحجزي فيها فيزا ولا ماستر كارد ورقم البطاقة وتضغطي حجز على طول تيجيكي رسالة انو تم الحجز واتخصم المبلغ ورسالة تانية تجيكي على الايميل تتطبعيها وتاخذيها معاكي للفندق لما تسافري لانو مكتوب فيها رقم الحجز
في حالة تبغي تلغي الحجز في بعضها لا يسترد المبلغ يكون مكتوب قبل ما تحجزي وفي شي تقدري تلغي الحجز ويرجعوا المبلغ وفي بعضها تخصم بس الليلة الاولى
الموضوع سهل جدا ما ياخذ غير دقايق