سلاااااااام ... حوامل
شخباركم بنات من غير تحديد .....
نوف و رحااا .... انا حامل بولد بس كل حين ينط لي في جهة .. بس اعتقد انه يرتاح اكثر على اليسار ....
..... بطني خفق مرة وحدة وصار صغير ... وصار نازل وعلى الجنبين فاضي ... يعني صار مثل الكورة الصغيرة ... وانا اول حمل لي يصير بطني بالهاطريقة كل مرة يذبحني لصدري ما اقدر حتى اتنفس ... الكل يقول لي الا بطنك صاير هالمرة مختلف ؟؟؟
ما ادري كيف صاير بطنكم هل تحسونه نازل مثلي ؟؟؟
الا ما قلتي لي رحاا ليش قدموا موعد ولادتك ؟؟؟
doja .... انا شغالتي قالت بتجلس سنة زيادة .... لو ما كنت تعبانة وحامل ان كان ما خليتها ... لأني ما احبهم !!! الكل يقول لي انت وجهك مووجهة شغالة .. اذا كل شي تسوينه بنفسك !!!! ما ادري ليش ما احب تسوي لي شي غير تنظيف الارضيات وتكرمون الحمامات وكي الثياب وغسل الصحون ... ما اخليها تلمس لي اكل ابد ولا احبها توقف على راسي في المطبخ لأني ما اعرف اشتغل وأحد يراقبني ... ولا اخليها تغسل الثياب ..... ولا تمسك اولادي ولا تأكلهم ولا تلبسهم ... يعني مريحتها على الآخر وياريتها بعد تحس وتقوم تشتغل من نفسها الا لازم امرها سوي ... نظفي ... مليت وطقت جبدي حتى لو كانت طيبة بس تسوي روحها ما تفهم علي وكله اوه نسيت مدام ... ( موعلي هالحركات انا كاشفتها ...)
بالنسبة للحديد انا يعطوني امبولات حديد عبر الوريد ( مثل المغذي ) ... تضايق كل يومين اروح المستشفى يغزغزوني بالابر ومرة تطلع لك ممرضة يدها خفيفة وتحط ابرة المغذي عدل ومرة تطلع روحي ....يدي صارت مرضرضة وزرقة وحمرة من التجارب ...
أساور ... لسه بدري على توسع عنق الرحم ... يمكن يتوسع شوي قبل باسبوع من موعد ولادتك ...
مارشملووو .... انا قلت للطبيبة اني باخذ ابرة الظهر ... وسألتها ويش رايك قالت لي كثير ياخذونها وعادي ... و تصلح للي ما يبي يحس بألم بالمرة .....
قلت لها متى اجي .... قالت من تحسين بانقباضات تعالي لأنها ما تصلع بعد توسع الرحم اكثر من4 سم .... خلاص اتكلت على الله وسجلت بملفي حتى وقت ما اجي وعندي ولادة يحضرون لي طبيب التخدير ..... وان شاء الله خير ...
تجمع جديد ......بس للي موعد ولادتها شهر اربعة.........حياكم
متابعة النقاش، صفحة 232