السلام عليكم
ياربي حنا مايمدينا نفرح في شي الا ويجينا هم وش كبره
اختي اللي قلت لكم انها تزوجت وفرحت في زواجها كثير وبشرتكم وقلت لنفسي هذي اول الافراح والخير جاي
بس للاسف زوج اختي طلع مدمن مخدرات بكل انواعها:44:
وبغى امس يموت لانه ماخذ جرعه زايده وهي داقه علينا تبكي المسكينه كسرت خاطري توها متزوجه وحامل وتعبانه
بس الحمدلله ام زوجها طيبه وجت وسكنت معها من 10 ايام عشان تساعدها وتهون عليها
الا ان جاء امس ودخل عليهم زوج اختي وعفسهم بغى يذبحهم ثنتينهم
ودقت علينا تقول قولوا لابوي يجي ياخذني
وادق على ابوي وكالعاده مايبالي بشي عرفت من رنة الجوال انه مسافر ومارد علينا
ارسلت له رسايل ولاحياة لمن تنادي :09:
حالتنا حاله مقهورين وخايفين عليها ومالنا حيله حنا كلنا بنااااااااات
تخيلوا من رابع شهر لزواجهم وهي محيوسه
كل يوم والثاني وهي ساحبه شنطتها وجايه عندنا لانه يروح ويتعالج في المستشفى
والله مو حياه
امي ماقدرت تنام من القهر اللي فيها على اختي:44:
كنت كل يوم ادعي ان خواتي يتزوجون
ولما تزوجت اختي الكبيره ابتلت
تخيلوا تحب زوجها وهو اصل ينحب اسلوبه حلو وطيب وحبوب
ويحب اختي ويدلعها بس ربي بلاه بهالادمان تخيلوا له 20 سنه يستعمل المخدرات ولاوقف بس يخفف ويرجع مره ثانيه:44:
اه وش كثر انا زعلانه على اختي
وعلى حياتها
اختي جميله وطيبه وكريمه وجامعيه
كنت اتمنى لها زوج احسن من كذا
بس نصيبها كذا
ادعوا لها تكفوووووووون ان ربي يبعد عنها كل شر ويحمي زوجها ويحفظه من كل مكروه ويعافيه ويشفيه من بلوته
والله ماتتخيلون شكله وهو طبيعي ومو مستعمل هالبلاوي يكون رزه وكشخه واسلوب راقي وكل صديقاتي يحسدون اختي على زوجها لانه غني وفاهم ومثقف
وفجاءه بسبب هالمخدرات يتحول لشخص ثاني له مقطع اختي صورته له وشفته
كان ماسك الدخان بيده وراسه ثقييييييييل لدرجة انه مايقدر يشيله وحالته قشررررررررره:44:
الله المستعان
انتبهوا على عيالكم من هالادمان وادعوا لاختي ان الله يعوضها خير على صدمتها في زوجها اللي تحبه:44:
لاتنسونها من دعواتكم لانها مالحقت تفرح وهي في اشد الحاجه
ياااااااااارب ياقادر ارحم ضعف اختي واشفي زوجها قولوا امين
امممممم وتذكرت
انا من يومين حلمت في اختي انها شايله اوراق كنها منقبله بوظيفه وكانت فرحانه ولما سألتها من وين هي جايه قالت لي جيت من تربة فلان اللي هو زوجها وقالت لي ان قبره غير كل القبور كان رطب لانه توه ميت
انا خايفه من هالحلم وش معناه او و ش تفسيره ؟؟
شاركي في النقاش
سجلي الدخول لإضافة تعليق.
التعليقات
29- الله يفرج همها ويشفي زوجها من ما ابتلاه بس لازم يا اختي ماتتركوها عنده الادمان بيذهب العقل والروح وممكن يرتكب فيها جريمه او في اللي ببطنها خافو عليها وخدوها من عنده واشرطو عليه وعلى اهله ماترجعله الين يتعالج وبعدين من حلمك والله اعلم حسيت انها بتنفصل عنه بس مقهوره لانها تحبه 00000الله يشفيه ويسترها مع اختك
- *اللهم ارزقني حسن الخاتمة*
*اللهم ارزقني الموت وأنا ساجد لك يا ارحم الراحمين*
*اللهم ثبتني عند سؤال الملكين*
*اللهم اجعل قبري روضة من رياض الجنة ولا تجعله حفرة من حفر النار*
*اللهم إني أعوذ بك من فتن الدنيا*
*اللهم أني أعوذ بك من فتن الدنيا*
*اللهم أني أعوذ بك من فتن الدنيا*
*اللهم قوي إيماننا ووحد كلمتنا وانصرنا على أعدائك أعداء الدين*
*اللهم شتت شملهم واجعل الدائرة عليهم*
*اللهم انصر إخواننا المسلمين في كل مكان*
*اللهم ارحم إبائنا وأمهاتنا واغفر لهما وتجاوز عن سيئاتهما وأدخلهم فسيح جناتك**
*وبارك اللهم على سيدنا محمد صلى الله عليه وسلم* - ربي يعينها
بس الادمان من كبآير الذنوب وهو مصّر
خليها تستخير
ترى ممكن لاقدر لله يرتكب فيهآ جريمة !
ف لله يعينكم :(
كسررت خاطري مرررررة :( - لا ان شاء الله ماتنفصل عنه
يارب ينصلح حاله ويرد لها من احسن مايكون وتكون هي وياه سعيدين ومتوفقين في حياتهم اللهم امين - الله يهديه ويصلحه ويشفيه ويعافيه
مواضيع مشابهة
تابعي تجارب أخرى من هذا القسم.