\/\/استغلالي للكراتين\/\/ واكيد بالصور المفصلة \/\/

@ndalmtr








في يوم من الايام.. وبينما كنت أطبخ وفاتحة دولاب البهارات اللي مهما ارتبه ينحاس..

ذكرت هذي الصورة..



ومن دون أي مقدمات رحت سيده لكيسة اعادة تدوير الورق..

وطلعت كل انواع الكراتين اللي عندي..




وفرغت دولاب البهارات ومسحته ونظفته.. وبديت اصف الكراتين..اشوف ايهم مقاسه مظبوط وبيأدي الغرض..




بعد ما تمت مرحلة القياس والتجربة.. رجعت باقي الكراتين اللي ماحالفها الحظ..

وبديت اصمغ الكريتينات مع بعض بصمغ الخشب.. وبما ان بنتي خلصت علي الستيكي تيب اظطريت استخدم لزق الجروح :hahaha:





بعدين غلفته بورق ابيض..

وليتني اكتفيت بكذا..



جا على بالي اجرب فيه الديكوباج..

وبربست فيه بمناديل السفرة وصمغ الخشب..

وخليته ينشف يوم كامل..

وفي اليوم الثاني حطيته بالدولاب..





ورتبت عليه علب البهارات.. واصبحت اشوفهم كلهم و اوصل لهم بسهولة..







و يتبع استغلالي كرتون مناديل الرول..

554 تعليق 68,296 مشاهدة

0 0

شاركي في النقاش

سجلي الدخول لإضافة تعليق.

التعليقات

549

  1. @ndalmtr

    صاحبة الموضوع

    نجي الحين لكراتين الرول.. الكبير ظفيت اسلاك الكهرب اللي خلف الـTV بعد ما غلفته بلون مقارب للمكتبة..



    والصغير جمعت فيه سلك المبخرة اللي كان يغثني.. لازم افكه بالكامل كل ما جيت اشبكها بالكهرب..لأنها تحتر واخاف السلك يتظرر..



    اما الحين اشبك المبخرة والاسلاك لاتزال مظفوفة ومرتبة اثناء وبعد الاستخدام..




    ويتبع استغلال اخر لنوع اخر من الكراتين..



  2. @ndalmtr

    صاحبة الموضوع

    اخيرا وليس آخراً..

    كراتين البامبرز كنت اجمع فيها الجزم -تكرمون- بشكل عشوائي..



    جمعت الكراتين اللي عندي..



    ولزقتهم فوق بعض.. وحطيت طبقة كرتونية زيادة بين كل كرتون وكرتون..

    عشان يتحمل الثقل وما ينعفط..




    ثم غلفتهم بتجليدة خشبية..



    استرو ما واجهتوا من الحوسة..:35:

    خلص التغليف قبل اغلفه من جوا..

    بس المهم انه أدّا الغرض وظف حوسة الجزم -تكرمون-




    وكذا اكون اخيرا خلصت من الموضوع اللي لي اكثر من شهر اشتغل عليه..

    واتمنى انه ينال اعجابكم ويفيدم..

تابعي تجارب أخرى من هذا القسم.