والله في كتير أسماء ما بحبها وخصوصا الجديدة اللي بدون معنى وتئيلة
بس بصراحة موضوعك بيزعل أنا قرأت أول 4 صفحات بس
و ماشفت اسمي
بس والله لو كان موجود وحكيته عنه تقيل دم رح أزعل يعني هاد الموضوع رح يجرح كتير بنات
ومن الصفحات اللي قرأتهم شايفكم بتحكوا عن اسم عايشة ومريم وفاطمة و كماااان عيسى مو حلوين ع الأقل نحترم انهم أسماء لناس مو أي ناس ومن أهم الأسماء اللي انذكرت في القران
لاتزعلي مني بس والله شايفة الموضوع جارح وما في منه فايدة شو رح نستفيد لما نعرف عن الأسماء اللي بنكرهها
غير هيك صار غيبة
لما الوحدة تحكي اسم فاطمة فئيلة دم (هيك مو غيبة!!!!!!!!!!!!! بالعكس هيك استغابت كل اللي أسمائهم فاطمة)
لا تصيري تقولقلي ليه فايتة إزا ما عجبك الموضوع
أنا فايتة مشان أنصح وأذكر ووالله ما كنت ناوية أرد كمان لبين ماذكرتوا أسماء السيدة عائشة وسيدة نساء العالمين مريم والنبي عيسى عليه السلام انه أسماءهم مو حلوة
وكمان عللي بتقول الاسم الفلاني حظه طايح هاد من التشاؤم يمكن هيه ما انتبهت بس أنا بحكي مشان أنبه
لا حد يزعل مني أنا والله ما قصدت إلا كل خير
وش اكثر اسم يرفع ضغطك وتكرهينه\\ اخذ حقة فى الردود
متابعة النقاش، صفحة 98