ساعدوني تراني بدأت وصعب اتراجع ... نصايحكم وتجاربكم في تعليم الحمام

السلام عليكم ورحمة الله وبركاته
كيفكم يا امهات .. ان شاء الله تمام

بليز بدي كل وحدة تكتب تجربتها ونصيحتها في تعليم الحمام

ابني عمره سنتين وشهر ... بدأت معاه تعليم الحمام لاني حامل في اخر السادس
وبدياه يتعلم عالحمام قبل ما اولد لانه حتكون اصعب في وجود بيبي جديد وغير موضوع الغيرة كمان حيصعب عليا الموضوع

الان انا بادئة معاه من اسبوع تقريبا
الشي الوحيد اللي مستوعبه انه نسويه بالحمام اللي هيه الثقيلة بس
واصلا نادر يسويها في خلال اليوم... بس اول ما يصحى من النوم
واوقات عشان نلحق نروح الحمام يكون سواها في الطريق ... مو مشكلة الموضوع هذا لاني عارفة مع الوقت حيصير يمسك نفسه شوي

بس مشكلتي في الخفيفة
ما يقول ولا يطلب... بس من جديد صار يسويها ويفتح الكلسون يشوف في شي وللا لا زي لمن اجي اشقر عليه
وادخله الحمام كل نص ساعة وما يسويها في كرسي الحمام بالمررررررررررة
ولا حتى في النونية ... مو مقتنع فيها غير انها لعبة مو شي نقضي فيه الحاجة
مع اننا نقعد على كرسي الحمام بالنص ساعة والساعة الا ربع ونغني ونلعب ونضحك ونرش ماء عشان يستبرد
بس ابداااااااااااا مااااافي امل انه يسويها في الكرسي
بس اول ما يوقف في البانيو... على طووووووول يسويها

الكل نصحني ما اعوده انه يسويها عالواقف لاني حاتعب معاه
بس ايش اسوي؟؟؟ ايش فيه طريقة يفهم فيها؟؟
انا عارفة انه بدأت معاه بدري بس مضطرة بسبب ظروف حملي
بدأت اوقفه في البانية ولمن يبدأ يسويها احط النونية قدامه ولمن يخلص اكبها في الكرسي واقوله هنا الأوشو ياماما
وطبعا لازم التشجيع والتهليل وشطوووووووووووور تسوي الاأوشو في الحمام زي بابا وماما .....الخ
وقلت شوية شوية اخليه يقعد في البانيو عالنونية ويسويها وهو قاعد
وشوي شوي في كرسي الحمام... ايش رايكم صح كدة؟؟؟

وايش حل موضوع اللي عالواقف هذا؟؟؟
صعب جدا اتراجع لانه الكل قالي يأثر عليه سلبيا لمن تيجي تعلميه مرة تانية وما حيحس فيه جدية في الموضوع هذا

نصايحكم بليييييييييييز

19 تعليق 4,920 مشاهدة

شاركي في النقاش

سجلي الدخول لإضافة تعليق.

التعليقات

19
  1. @am_alghla_odody

    طبعا في البدايه راح تتعبي ولاتفكري تتراجعي لانه راح يكون ردت فعل عكسيه وتتعبي بعدها بزياده. وبعدين ياقلبي مو بدري بالعكس هذا العمر المناسب. والله يعينك يارب ويسهلها عليك ويقومك بالسلامه يارب
  2. @aaroob_1

    حلو عمره

    انا تأخرت ببنتي وتعبت معها لان قلبها طلع ع الحفاظ
    والحين لي 6شهور اعلمها ومازالت تغلط :(
  3. @basta

    ياليت نلقى تجارب

    كتبت موضوع ومادري وين راح ومالقيت اي افاده

    انا مثلك لي شهر ونصف اعلم ولدي على الحمام

    عمره ثلاث سنوات

    البول الله يكرمكم تعلم عليه بس لازم تكون فيه غلطات بعض المرات

    بس الثقيله ولا مره سواها في الحمام مايقول لي الا اذا سواها وخلص على نفسه

    مره يابنات ضايق صدري

    مادري هل طبيعي او لا

    لان اغلب البنات يقولون لي المشكله في البول بس الثقيله بسرعه يتعلمونها

    انا ولدي العكس

    نفسيتي تعبانه معه مادري شيء طبيعي او لا
  4. @remsh

    صاحبة الموضوع
    BASTA
    ياليت نلقى تجارب كتبت موضوع ومادري وين راح ومالقيت اي افاده انا مثلك لي شهر ونصف اعلم ولدي على الحمام عمره ثلاث سنوات البول الله يكرمكم تعلم عليه بس لازم تكون فيه غلطات بعض المرات بس الثقيله ولا مره سواها في الحمام مايقول لي الا اذ…
    ام دودي
    الله يجزاكي خير... كلامك زي التجارب اللي في العيلة ونصحوني ما اترااااااااااااجع ابدا
    انا والله اللي خلاني اتراجع امس ولبسته الحفاضة انه انا تعبانة وطبيعتي في حملي ادوخ كثير
    بس جا وقالي ماما اوتو .. انه سواها خفيفة وناوي على القيلة ويبغى يشلح الحفاضة
    قلت يابنت في امل حرام تخربي عليه وعلى نفسك ورجعت للكلوت مرة تانية
    والله يعيننا باللي فيه الخير ان شاء الله


    حبوبة اخت زوجي بدأت مع بنتها على السنتين ونص ... وطووووووووووولت معاها لمن مشي حالها
    لانه كان في بيبي جديد والغيرة كانت شغالة ... بس الان اتحسنت ولكن مازالت في الليل لااااااازم تسويها
    طولي بالك عليها ... انا عارفة حتقولي اكتر من كدة طولة بال من وين اجيب
    بس حاولي تتعاملي معاها بهدوء لانه التعصيب والصراخ والعنف بيعكس الموضوع معاكي
    وحاولي بالترغيب والتشجيع والحوار والمكافأت ... مرة حلاوة ومرة بلونة ومرة كريم كراميل ومرة فاكهة هيه تحبها... لا تخلو كل شي حلويات...
    والله يعينني واياكي



    ياقلبي عليكي
    حبيبتي كل طفل يختلف عن التاني .. يعني مو كلهم واحد
    انتي حاولي ترغبيه وتشجعيه ... انه لو سواها ثقيلة في الحمام وصار نظيف الملائكة تصير تحبه وتخليه يروح مع ابوه المشوار الفلاني ... بالذات انه عمر واعي نوعا ما عن ابني
    وزي ما قلت للاخت اللي قبلك لازم تسوو مكافئات متنوعة ولا تعتمدو على الحلاوة
    ولاااااااااا تقارنوهم بأحد مهما كان... بس زي ماما وبابا عشان يتشجعو... انسو فلان وعلان
    وامدحوهم عند ابوهم وخليه هو اللي يجيب المكافئات في بعض المرات

    انا ماعندي هذيك الخبرة ... بس ماشاء الله بيت اهل زوجي عندهم 26 حفيد ... وشايفة كل التجارب ايش الطرق الصح وايش اللي ما جاب نتيجة معاهم

    بس احد يلاقي حل في موضوع الحمام اللي عالواقف!!!!!!
  5. @aafaaaf

    الله يعينكم ويعنني انا بدات اعلمها من شهر في الا ول كانت مفكره الموضوع لعب تدخل الحمام اكرمكم الله انا العب واضحك فكرة الموضوع كله لعب في لعب

    ما اخذت الموضوع بجديه في الاول بعدين اشتريت وسيله زي حقت المدارس لونها وردي واشتريت استكرات زي اللي تتلزق في الدفاتر
    ولمن تسويها في الحمام اشيلها اخليه هيه اللي تختار الاستكر اللي عاجبها وتحطها لنفسها

    ولمن تسويها في ملابسها طبعا زعل ومستحيل اكلمها واحط لها علامة اكس هيه عارفه انو ذي خطا واشيل استكر من اللي حطتهم

    واشتريت شبب اكرمكم الله وغطا لكرسي الحمام صغير قدها عشان تخاف من الكرسي لنو فتحتو كبيره
    وقولت لها ذي اشيائك ولونها وردي

    والحمدلله مشي الحال ولسى لحد دحين يلهيها التلفزين وتسويها على نفسها بس تسحب نفسها من سكات وتروح الحمام وتشيل ملابسها وتحطها في سلة الغسيل تنادني اغسل لها

    طيعا اقلب عليها ولا تكلمي ولا تلعبين معايا
    من غير الهدايا اتصل على ابوها اقولو يا بابا بنتك الشطوره راحت سوت ها في الحمام جيب لها هديه عاد وقتها تحس انها اللي مافي زيها في ادنيا

    بديت اعلمها وعمرها سنتين و9 اشهر والحمدلله سلكت كثير عن اول

    انتي سوي كذا مع ولدك لو عملها على الكرسي قولي انت بطل زي بابا ويلا حط لك نجمه حببيه في انو يسويها على الكرسي

    وقولي لو انت نضيف وريحتك حلوه لمن تسوي الاشو وانت وافق تنزل على رجولك وتصير ريحتك مو حلوه وما احد يجلس جنبك ولا يلعب معاك عشان ريحتك مو حله بس انت ولدي البطل النضيف تسويها في الكرسي وحده وحده تلاقيه استجاب لك لا تطفشي كرري كرري والله يعينك ويعطيك طولة البال

    الله يهديهم ويصلحم ويرزقنا برهم

تابعي تجارب أخرى من هذا القسم.