والله يا حبيبتي جبت ولدين بالغربه باوروبا التاني عمرو 4 شهور هلاء ولا اهل حدي ولا صديق ولا حدا والحمدلله كل شي مرء عا خير وما فيني ايا مشكله هون بيقعدو الواحده تلات ايام بالمستشفى ومن بعد ما يطمنو عليكي وعالبيبي بتخرجي عا بيتك انا كنت اخرج وعندي ولاد اكبر ومسؤولييه وبيت وكل شي اعملو من لما اخرج من المستشفى بقوم لبيتي وعيالي وحياتي بترجع طبيعيه وانا بعمل اكل وبهتم بكل شي وحتى البيبي بيعلموك كيف تحمميه ومانتي محتاجه ايا حدا عادي
النفاس ما هو هالمشكله العظيمه بس انا حسيت عندكم بالسعوديه كتير في مبالغات بالنفاس الواحده بتفضل متمردحه اربعين يوم عالفاضي وحالة استنفار بالمنزل ومدري شو صدقيني كلها مبالغات
وكونك بكريه ما تخافي يا كثر البكريات اللي بيولدو بالغربه لكن هالاميركين والعالم اللي عايشه برا كيف بتعمل ونصفهم مالهم حدا ولا عندهم حدا يهتم فيهم
بقول اتكلي عالله وروحي مع زوجك لما اصعب شي بالولاده هو وقت الطلق والولاده وماحدا من اهلك بيفيدك بهاللحظات ومن بعد ما تولدي كلها يومين وبتصيري باحسن حال هني هالكام يوم الاوليين بتقضيهم بالمستشفى ومن بعدها بتخرجي على بيتك تمام التمام وزوجك جنبك واسهلك انو اول ولد يعني ما عندك مسؤوليات غيرو
وان شاء الله تقومي بالسلامه
ولدتـي بالغربــه او رجعتي وطنك للولاده فيه تفضلي بالدخول لمساعدتي
متابعة النقاش، صفحة 5