شوفي الغاليه ,,
خلينا ننظر للموضوع من ناحيه منطقيه ,, انتي من البدايه حسستيه انك مب محتاجتنه ماديا ,, لذلك هو شال يده ,, والرجال دايم يحب يعيش الدور الاساسي والكامل في حياه نسائه خاصه ! سكوتك او زعلك المحدود عطاه الحق في انه يتمادى ,, لكن نقول
طالما هو موفر الاساسيات لج ولعيالج ,, مافيها شي لو تتحملين مصاريف اي كماليه انتي تحبين تقتنينها وهو مب قادر ,, هذا لو مب قادر ,, انتي أكيد تعرفين زوجك وطريقه تفكيره بعد العشره ؟ من ناحيه احتياجاتك وعيالك والسواق هو ملزوم بها مب تفضلا عليك انه وفر لك جهاز محمول او دفع للسايق !!! وشوفي هو باين عليه فيه خير لكن يبغي منج الاسلوب الاصح في التعامل وياه لان صدقيني لو اقولج مافي شي مستحيل مع الريال وكل شي ممكن تغيرينه فيه بس بالصبر والمعامله الحلوه ,,
مسأله بيته الثاني انتي شيليها من بالك ابدا ,, ماتدرين يمكن هي تزن في راسه ان عندك فلوس وانه مقصر عليها وعلى عيالها فتشوفينه متأثر من الاشياء اللي عندك ويحاول يوفرلها بالمثل لان يحس انها اقل منك ,, ويمكن لانها مب موظفه بعد ؟ مادري بس عموما انتي لا تقارنين احتياجاتك بها ,, انتي شوفي اللي انتي تبينه وحاولي تخلينه يوفرها لك ,, شجعيه بالكلام الطيب ,,حتى لو تشوفينه بسيط ,,مع الوقت بيكون له مردود ايجابي ومره ثانيه ارجع اقولك نصيحتي لك ,, تفقدي مواطن الاستجابه في زوجك ,,
ملف خاااص للزوجات الثانيات فقط حياكن الله
متابعة النقاش، صفحة 188