ملف خاااص للزوجات الثانيات فقط حياكن الله

بسم الله الرحمن الرحيم
اولا احبتي احب اهنيكم على فتح ملفكم واقول لكم بصراحه انتم تتسمون بالرقي والتسامح فياليت تتجاوزون عن اي مشاركه مسيئه
انا انسه ماتزوجت وكنت رافضه مبدء الزواج بسبب ان الوالده الله يشفيها تعبانه وخواتي متزوجات ومستحيل اخلي وحده من حريم اخواني تتولى رعايتها
طبعا تقدم لي شباب لم يسبق لهم الزواج ولكني مالقيت فيهم اللي اتمناه او ماارتحت لهم
المهم تقدم لي اكثر من شخص متزوج وفيه شخص كنت مرتاحه له ولما سالت عن زوجته لقيت انها انسانه مااحد يقدر يعيش معها فرفضته خوف على نفسي من المشاكل ولاني شارطه امي تكون جنبي او تسكن معي
انا ماني ضد اي زوجه ثانيه لاني عشت هالشي الرجل هو اللي جاني وتقدم وقدم لي الخيارات الكثيره عشان اوافق وماالله كتب لي نصيب
واستغرب من نظرة الزوجه الاولى للثانيه ومدى الحقد اللي تحمله الزوجه الاولى للثانيه وش ذنبها مو زوجك اللي راح وخطب حتى لو ماانتي مقصره ولو انتي تشوفين ان هالشي غلط ليش تتقوين وتتسلطين على الثانيه ليش ماتحطي حيلك بزوجك مو هو اللي جرحك على قولتك ليش ماتحاسبيه والثانيه زيك زيها تبي تعيش وتمارس حياتها وتطالب حقوقها اي منطق هذا اللي تقولين انه لازم ترضى بأي شي حطي الله بين عيونك وخافي الله يمكن بنتك او اختك او انتي تكوني زوجه ثانيه
بنت اخوي صغيره بالسن 24سنه وجمال ماشاء الله وثقافه وجسم وسنع في البيت كانت زوجه وحيده وماارتاحت مع زوجها مشاكل وضرب واهانه واخيرا طلبت الطلاق وبعد ماكانت تتكلم بكل زوجه ثانيه وتكرهها
صارت زوجه ثانيه و الحمد لله ان الله كتب لها زوج يخاف الله فيها ومستحيل ان يخلي احد يغلط عليها وتقول حياتي مع المتزوج احلى بكثير مع الشاب لولابعض المنغصات من عياله واكيد كل بيت ما يخلى من المشاكل

هع هع هع
شكل ماعندهم ليمون ياحرام
طيب فيه بالصيدليه حبوب تهضم الحديد
بينهضم معك الملف ياالمطنوخه
كككككككككككككككك

الله يشفي والدتج ويبارك فيج
ويرزقج بالزوج الصالح
حبيبتي مو كل شاب غير سوي ولا كل متزوج فرصه ذهبيه ماتتعوض
ان شاء الله ربي يكتب لج نصيب ويعوضج عن صبرج
انا زوجه اولى تزوج علي زوجي وحزنت حزن مااقدر اقولج شلون صارت حالتي ورغم هذا كله عمري مااذيت زوجته لابلساني ولا صدر مني بحقها اي شي ولا عمري طريتها بسوء جدام احد عشان جذيه مااشارك بالملف للزوجه الاولى لاني ماابي احمل روحي ذنوب ولان اغلبية كلامهم غير واقعي
اناعشت الحزن بروحي وتصالحت مع روحي واقتنعت انه نصيبي صحيح عانيت شوي معه في البدايه لكن وقفت مع نفسي قلت مو اهي اللي راحت له اهو اللي ركض وراها ولا اذتني بشي وعادي انها تطالب بحقوقها مثل ماانا اطالب بحقوقي وتجاوزت الازمه بفضل الله ثم بفضل الصحبه الصالحه مو اللي تخيط مؤامرات وتكيد لان هالشي بيرد لها في حياتها
وعلى نياتكم ترزقون
حاليا انا في بيت واهي في بيت وكل عايش مستقل عن الثاني وولدها يزورني وكل مره يزوني لازم ييب لي هديه منها وهالشي خلانا نتواصل بالمسجات فقط ونعايد على بعض وللحين انا ماشفتها ولا ضرتني ولاضريتها

حرام عليكم مارديتو علا صديقتي اقلقتني وهي تقول وش يردون عليك حاطها املها بالله ثم فيكم