مين كانت في غرناطه الليله؟؟؟؟




اخواتي اليوم رحت انا وبنتي وولدي غرناطه اخذنا عصير وماوجدنا مكان نجلس فيه كانت اماكن الجلوووس مزحومه



طلعت انا وبنتي وولدي وجلسنا على الكراسي اللي في المرر فوق وشوي ونسمع تحت شخص يصيح بصوووت عالي رااااامي رااااامي ويركض على طول كل اللي في الدور اللي فوق نزلوا انا نزلت بس مااقدر امشي بسرعه اذا خفت اتعب وامشي بشويش المهم ركضت بنتي وولدي يقولون نبي نقول له خلي نكون مجموعات ونبحث عنه في السوووق انا نزلت وصحت في السكرتيه قلت قفلوا الابواب بسرعه المهم بعد هالمعاناه يقول ولدي وبنتي انه حصله ابوه واقف مع شخص سعودي عمره تقريبا 36 المهم ان ابوه تخاصم مع هالسعودي ليه مابلغ السكرتيه انه وجده ؟؟ يقولون عيالي ابو الولد يقطع القلب وجهه اسود من الخووووف لكن الحمدلله انه وجده


انا في هاللحظه مادري وين عيالي وجوالي مع ولدي قمت رجعت محل ماكنا جالسين وهذي نصيحه للي يجيه مثل هذا الموقف يرجع نفس المكان اللي افترقوا فيه

الملاحظه اللي لفتت انتباهي ان العاملين في السوووق مايبونه يصرخ ويرفع صوته

قلت لبنتي هالملاحظه قالت يا امي فيه مجمع في جده صار فيه حالتين خطف والناس قامت تخاف تروح هالمجمع وبالتالي انخفضت الايرادات حقت المحلات

نصيحتي من خلال هالموقف الله لايجعلكم تعيشون هالموقف ولا مسلم اي شخص يجيه مثل هالموقف لاسمح الله انه يصرخ لايسكت حتى ولو قالوا السكرتيه اسكت

تصرف الاب اليوم عجبني كل الناس قامت تبحث معه والحمدلله انه حصله

طولت عليكم ولكن بغيت اسولف وربي الين الان فيني فجعه وجسمي احسه طايح

الله لايريكم مكروه

36 تعليق 4,110 مشاهدة

شاركي في النقاش

سجلي الدخول لإضافة تعليق.

التعليقات

36
  1. الحمدالله انهم حصلوه.... الليله كنت ناويه اروح بس مااحصل والحمدالله انه مااحصل اخااااااف من هالمواقف....
  2. @lolo_oalmas_1

    الحمدلله انه لقاه الله يستر علينا مدري الواحد وين يروح يتمشى المجمعات تخافين من الخطف والكورنيش او البر حر موت وجمعات الاهل الله يخلف علي انا بعيده عن اهلي والبيت خنقه الرحمه يارب
  3. @flooora_1

    واااااااااااااااااااي
    بصــــــــــراحه شــــــــــي يخووووف
    الحـــــــمد الله ع ســــــــلامتـــــــــــــــه
  4. @agml_alnoaaam

    الله المستعان والله اني نزلت مول بجدة وزوجي مو متواجد ماغير اخويه نزلني انا وبنتي وامي وراح والله اني مو مركزه من كثر ماسويت حصار على بنتي لانها دايم مع ابوها ينتبهلها وكنت مرره خايفه عليها .. لأن عمرها سنتين ونص وحركتها كثيره اسم الله عليها ..

    سبحان الله صرنا نخاف في بلد الأمن والأمان .. الله يحمينا.. وان ضاعت ولا انخطفت اي وحده بيقولون مازال البحث جاري ..

    الحمد لله انه لقيه .. والله المستعان...

تابعي تجارب أخرى من هذا القسم.