السلام عليكم ورحمة الله وبركاته
مبروك عليكم الشهر والله يجعلنا من صوامه وقوامه
راح ابداء مشكلتي الي تاكل وتشرب معي من سبع سنوات
انا وزوجي كنا نحب بعض ومتفقين على الزواج وفعلا جا وتقدم وسال ابوي عنه ولقاه كويس وظبفته زينه
ومافيه شي يعيبه وكل بنت تتمناه
طبعا عطيناهم الموافقه وكلمت امه امي وقالتلها امي شروطنا وسوت امه مشكله كبيره وقالت لامي ماعاد نبي بنتكم قالتها امي بسلامتكم
زعل الولد من اهله وقالي انه راح يقنعها ويرجعلي بس امه حلفت عليهمايتزوجني وراحت وخطبتله وحده من قرابتها تزوجها عشان خاطر امه وكل يوم يشتكي لامه انا مابغاها انا مو مرتاحلها قالتله امه بكيفك راح سال شيخ معروف وقاله انا متزوج وحده بس مابغاها وكارها قاله الشيخ عندك اطفال قاله لاقاله اجل طلقها ولا تظلم بنت الناس وفعلا طلقها وماجلست معاه الا اربع شهور ورجع تقدملي وقالولي اهلي الموضوع راجعلك اذا بتوافقين او لا بعد الي سوته امه
وعشاني احبه واموت فيه وافقت وتزوجته والحين امه تحبني كثير اكثر وحده من حريم عيالها وانا بعد احبها واحترمها لدرجه لو غبت عنها تفقدني وتسال عني
نجي للمشكله
المشكله يابنات اني انا ساكنه مع اهله بنفس الفله بس بجناح يعني بشقه كامله وبنفس الشقه الي كانت فيها زوجته الي طلقها غيرت البيت من الى من الاثاث بس ماني قادره انسى انها كانت عايشه بنفس البيت اتذكر غرفة النوم انه قد نام معاها فيه ودورة المياه قد تحممت فيها دائم تصير مشاكل بيني وبين زوجي كل شوي اذكره فيها ادري اني غلطانه بس ماني قادره انسى زواجه منها انجنيت وجننته
اقوله انت حاطني في نفس البيت عشانها كانت فيه قال انا لو ابها كان ماطلقتها ورجعتلك مع العلم ان الحرمه تزوجت وجاله اطفل وانا معاي طفلين وحامل
قلتله خلنا نطلع من البيت قالي ماراح اطلع واترك امي قلتله ناخذها معانا بس نطلع قالي هذا بيتنا حلال وماراح اتركه لحد ماتموت امي لاسمح الله والورثه يطلبون حقهم
ومااقدر اطلع للدور الثاني لانه فيه مستاجر
يابنات شورو علي وش اسوي انتم مثل خواتي ريحوني
شاركي في النقاش
سجلي الدخول لإضافة تعليق.
التعليقات
28- لا الاه الا الله
يا اختي استغفري الله وش الي جالسة تفكري فيه الله يهديك ويصلحك سامحيني انا ردي راح يكون ضدك
الله يعين زوجك يا اختي انتي من جدك تتكلمي للهذه الدرجة
اولا الحرمة طلقها ومثل ماقال لو يبيها ما طلقها
وتزوجت وجابت اطفال الله يستر عليها ويسعدها وين ما كانت
وانتي الحين جيتي في البيت الي كانت فيه وش يعني
والله لو هي موجودة معكم ما سويتي الي سويتيه الحين
ما ادري تخلقون مساكل من لا شيء الشيطان جالس يوسوس لك ويخرب لك بيتك
وش تنتقلين
احمدي الله زوجك يحبك وجبتي عيال وامه تموت فيك وش تبين
بعد الله يهديك ويصلحك غييييييييييييييييييرة مالها داعي ابدا ابدا ابدا
سامحيني وجهة نظري وانتي طلبتي ردنا - سبحان الله وبحمده
سبحان الله العظيم - سبحان الله نفس قصتي , بس انا احسن منك انا ماغير ولا شي من الاثاث , حتى غرفة النوم نفسها والله اني صادقه في هالكلام , المطبخ نفسه وغسالة الملابس نفسها والاثاث نفسه حت امشطت شعرها موجوده فيها , بالعكس احس ان الله اورثني الارض بكل مافيها , وازيدك من الشعر بيت انا زوجته ما تزوجت لحد الان ومن وقت لاخر تكلمه علشان يرجعها , لا وتحرضه علي لكن عزاءي انه يقولي ولا يخبي علي . شفتي اني احسن منك ,
- يابنت النااس هذا انتي قلتي انا اذكر ؟
يعني مو زوجك اللي يذكر ؟
يعني انتي اللي جايبه الهم لقلبك
واتركي هالواسواس ترى هذا من فعل الشيطان
انت تفكرين كذا والشيططان يبي كذا عشاان هوااش مع زوجك - حبيبتي لاتخلين الغيره تهدم بيتك زوجك لومايحبك ماطلقها ورجعلك وربي يخليكم لبعض ولايفرق بينكم
مواضيع مشابهة
تابعي تجارب أخرى من هذا القسم.