يابغضي لامك ورغيفاته

خواتي الحبيبات وانا صغيره قبل مااتزوج كانت جدتي الله يرحمه رحمه واسعه تحكي لي هالقصه
تقول اول البنت لاتزوجت ماتروح لاهله الابعد سنه من الزواج عاد هي ونصيبه سعيده اولا مايدرون عن وضعه
الابعد سنه اذاكانت برى ديرتهم وتخبرن من اول لااتصالات ولاشئ
المهم به بنيه حليوه تزوجت وراحت مع زوجه بديره غير ديرة اهله
المهم بعد مده اشتاقت امها له وراحت نزوره جت عنده ولقت البنيه مستانسه مع زوجه
جلست كم يوم عندهم وكل صبح تقوم الام وتسوي الفطور رغفان <مصابيب<وتحط هالسمن البري وتفطر مع بنيته وزوجه وسوالف ووناسه في احد الايام الرجل انمرض جته حمى قامت العجوز الصبح تزين الفطور وتوديه الرجل وبنيته مشغوله الاوالرجل يتنافض من الحمى قالت له قم ياقلان افطر قال وش تبين يافلانه قال اسم زوجته من الحمى قالت ابيك تفطر جايبه لك فطور رغيفات قال رغفان امك قالت ايه قال يابغضي لامك ورغيفاته
العجوز طلعت دموعه وتركت الفطور وطلعت لانه انقهرت ماسوت شئ لااوذته ليش يقول هالكلام
عاد شالت عفشه وسلمت على بنته ومشت على بعيره وبنته تتطلبه ليش يمه اسرعتي اصبري لمن فلان يخف من الحمى
ونوديك قالت لاياوليدي انااروح لحالي الرجل خف من الحمى ويسال عن خالته وينه قالت راحت ماادري وش به اسرعت
تذكر الرجل قال انتي جبت لي فطور امس واناتعبان قالت لا قال اجل هي دري انه زعلت قال يالله نلحقه
عاد راح لمه وحب راسه قال انامااقصد هلوسه من الحمى قالت العجوز هلوست ياوليدي باللي بقلبك
دعت لهم ورجعو لبيتهم عاد جدتي تقول ياوليدي الرجل مايحب اهل المره احسن شئ يصيرون خفيفين على نسيبهم
وانتن وش رايكن ؟وشلون تعامل ازواجكن مع اهاليكن؟
اناعلاقته اول ماتزوجن كانت قمه وبعدين تغير صار مايزورهم الابالمناسبات الله المستعان

16 تعليق 2,005 مشاهدة

شاركي في النقاش

سجلي الدخول لإضافة تعليق.

التعليقات

16
  1. @bnt_alaayyry

    احسن شي تكون العلاقه وسط
    يعني لا يجفاهم مره
    ولا يكون لزقه مع اهلك كنه ولدهم ويدري بكل صغيره وكبيره الوسط مع شوي رسميات احسن
    استغفرالله واتوب اليه
  2. @mtgr_dy_alkmr

    الحمد لله اهلي عمرهم ماثقلو على زوجي ولا احرجوني معه مره وحده لنفاسي اضطرت امي بيتت عندي يومين او 3 فقط وبالقوة كمان
    يابخت من زار وخفف بالذات على زوج البنت

تابعي تجارب أخرى من هذا القسم.