كنتي بظرف وموقف صعب وجاء احد وفزع لك -اذكري لنا هالفزعات

يابنت انتي دايم لزيزه ومواضيعك لزيزه وكل حاقه لزيزه ,,,,,,, كني جعت
والله الفزعات كثيره
خليني اروق وارجع لك

يا طويلة العمر عندي مواقف مو موقف وبس ..

لكن ابقولك الموقف اللي خطر في بالي

((مــــوقف جدآآآآآآآآآآ صعب ))

كنـا مســافريـن خارج المملكة

وحنا نتمشى دخلنا على وادي فيه موية تصب وخضـــار

فكشتنا في الوادي <<سعوديين و المكشات هههه

وكان فيه ناااس لكـن ما فيه سعوديين إلا حنـــــــــــا

جلسنا وتقهوينا وبسطنا يومــ عاد إنتهت الكشته<بداء الاكشن



لمـا مشيناااااا تعطلت السيــارة :‘( <أمي خافت وحنا خفنا


المهم نزل أبوي يشوف العطل ويصلحــه إلا جااااء جمس ولوحة السيارة سعوديــة <<تشوفيييينا الفرحة في وجهينا :)



نزل صاحب الجمس يفـزع قاله أبوي:لا يالغالي ما أحتاج مساعده <<<يجااامــل ههههه

المهم صاحب الجمس قال والله ما أروح إلا إذا سيارتك إشتغلت وبداء هو أبوي يصلحونها إلا أن أشتغلت

ربي لك الحمد ,والله ما ننسى فزعتة وهو كان من أهل الجنوب مــا شاء الله راااعيــن فزعات أهل الجنوب
الله يفرج كربتة آآآآمييين

سبحان الله وبحمده سبحان الله العظيم..

وعليكم السلام ورحمة الله وبركاته
اممممممممم

زماااااااان كنا مسافريتن بالسياره وكان الجو حر وبرمضان فجأه تعطلت السياره ولاحولنا محطات ولاشي
فجأه جا راعي سياره ددسن الله يفتحها بوجهه هو وزوجته
اخذنا بسيارته وحلف علينا وودانا بيته وفطرونا وصلحوا السياره هو وابوي
هالكلام قبل اتغطى والان انا متزوجه لكن المعروف ماننساه ودايم لاجوو ببالي ادعيلهم

مره اشتريت اغراض ولما وصلت للكاشير فتحت البوك مالقيت البطاقه وانا معتمده على الله ثم على البطاقه لاني ماشيل فلوس الا فكه بسيطه وبعد وقفت نص ساعه عند الكاشير اطلع مضيعه بطاقتي مدري وين راحت واقول للكاشير كم الحساب قال 400 قلت خلاص رجع هذول وبقيت قطعه ب130 لان ماعندي الا 150 كاش والرجال الي جنبي على الكاشير حق الرجال يفصلنا عمود قال علي الطلاق ماترجع خذيها انا ادفع تعالو دوروني ماتلقوني ماعرفت ارد قلت لالالالالالالالالالا انا خلصت وماشيه الله يجزاك خير قال للكاشير بصوت جهوري وصارم حط الاغراض في الكيس المشكله اهله واقفين يشوفونا وانا تفشلت احس ود اخته مدري زوجته تكفخني المهم بعد حلفان وطلاق اخذتهم ومشيت وش اسوي فشلني الله يجزاه خير احسه راعي فزعات وانبسططط حييييل يوم اخذتهم الموقف له سنين بس عجزت انساااااااه