الموضوع مغلق

رمضان والحموله لو انتم مكاني وش تسوون عشان اوري زوجي ويقتنع(استوفي الردود)

السلام عليكم ورحمة الله وبركاته

يابنات انا من تزوجت سلفتي الثانيه اعتزلت رمضان صارت بشقتها وتعذرت بالرجيم وعيالها وزوجها يفطرون معنا

وانا والله العظيم اني ماعمري قلت ليش ماتنزل لاني ماني لايمتها حرام الله يعينها عيالها كثار وحمولتي ماشاءالله

كلهن بنات المتزوجات مايجن بالعطله يجن برمضان عشان يرتاحن من حمايلهن والموظفه تجي وتنام ومافيه الا انا

واخته صغيره والحين تدرس وانا والله العظيم كل رمضان اكررررررف وامد سفره واتعب بالحيل والمتزوجات جايات

يرتاحن مايسون شي بس انا والصغيره والموظفه تنام وسلفتي زوجها يفطر معنا واخوه الثاني المهم والله ماعمري

اشتكيت العام كنت حامل ووحام وقرف ويغمى علي وانزل اشتغل استحي لانه مافيه الا انا

خواته الحين جن عشان رمضان وانا احبهن واقدرهن بس الحين تغيرت مو مثل اول الحين عيال وشقه وتنظيف وابي اتفرغ لعبادتي رمضان اللي فات اسوي الفطور اطلع انظف الشقه وعيالي وغسيل وارتاح واسوي السحور

المهممم طلبت زوجي ابي افطر واتسحر بشقتي رفض يقول عيب وش رايكم

224 تعليق 30,374 مشاهدة

شاركي في النقاش

سجلي الدخول لإضافة تعليق.

التعليقات

215
  1. طيب قبل يبدء رمضان قولي لهم وش رايكم نسوي جدول لنا ..
    نقسم الشغل بينا .. وحده تسوي العجاين ووحده تسوي الحشوات ووحده تقلي .. صدقيني بيستحون وبيشتغلون معك
    واذا ما اشتغلوا .. جيبيلك خددامه
    الله يعينك
  2. @am_hnooonh

    لاياقلبي لاعيب ولاشي انتي ماقلتي قاطعهم ومابيهم كلهن حريم لو كل وحده سوت طبق سوو سفره وش كبرها بس اقعدي ببيتط وسوي فطورك ببيتك وارسلي لهم من اطباقك وبس
  3. لا مهب عيب انت متزوجته او متزوجه اهله وخواته عشان تخدمينهم
    تشاركينهم بالفطور اي نعم
    بس تكرفين وهم جالسين لا
    من اول يوم خليك في بيتك ولا تروحين لهم
    وزوجك لازم يكون عنده احساس فيك ويفطر معك وفي شقتكوخليه يقرائ ردي ترى رمضان هالسنه حر والشغل تعب
    اقوله رفقا بالقوارير

تابعي تجارب أخرى من هذا القسم.