تفضلي بطلب وصف اي موقع تريدين وسوف نساعدك بإذن الله

ضروري عندي موعد اليوم
الله يعافيكم ابغى وصف دقيق لعمائر السليكون وانا جايه من السويدي

وين مكتب المعيوف للاستقدام/ الروضة وايش اقرب شي مميز بجنبه
وشكرا لك

انت بالرياض
انجلوت موجود في رياض غاليري فوق .. فيه بسوق ثاني الظاهر بس هذا اللي اذكره




اسمها عماير السيركون
عموما وانت جايه مع طريق الملك فهد متجهه شمال بعد ماتعدين التحليه
بيجيتس شارع موسى بن نصير عند الراجحي اللي قبل الحبيب مباشره ادخلي معه
وبتجيتس اشاره على طول صايره تقاطع موسى بن نصير مع العليا
وانت واقفه عندها تلقين عماير السيركون بالزاويه اللي قدامتس مباشره عالجهه اليمنى ابتلي مع الاشاره
وبتلقين العماير مرقمه

ماعليش يا قلبي انت عند اي مخرج بالضبط بالشرق وعلى اساسه تحددين اي دايري تمسكين
عموما اما انتس تمسكين الدايري الشرقي متجهه للجنوبي وبعده توصلين الغربي وتدخلين مناك على مخرج 28 تاخذين اليمين مباشره على شارع المدينه وتبتلين قدااااام لين يجيتس ستي ماكس على يدتس اليمين و وتحصلين باب رزق جميل جنبه
او انتس تمسكين الشرقي للشمالي للغربي وتاصلين مخرج 28 وبكذا تدخلين يسار على شارع المدينه و نفس الشي راح يجيتس ستي ماكس على يمينتس

اذا انت بمخرج 11 او 10 او 9 وتحته روحي مع الشمالي مع العلم الدايري الشمالي على الغربي راح تنقطعين كثير عن العمران وانت بتروحين مع سواق الحالتس ومنطقه ماتدلينها
اذا بمخرج 12 انصحتس بخريص لكن بيكون صعب عليتس
عموما من مخرج 12 او 13 او 14 او فوق روحي مع الدايري الشرقي للجنوبي للغربي وهنا ترا ماراح تنقطعين عن العمران وآمن لتس بما انتس مع سواق وماتدلين



افوكادوا بطريق الملك عبدالله على نفس جهة الشيراتون ابتلي شوي وبيجيتس على يمينتس قبل الكترو الظاهر
بس خليتس مركزه باليمين الظاهر جنبه داجن وجنبه بعد محل حفلات الظاهر اسمه فريق الاحلام