بقولكم مشكلتي وابي نصايحكم

الله يرزقك و يوفقك لكن ماكل مايتمنى المرء يدركه

شوفي ياشيهانه الكويت أنا نفس وضعك بالضبط متوظفة وعمري 27 ومو متزوجة وكل يوم أقول الحمدلله

على كل حال وإذا كان على المعاير ياكثر مانتعاير بس نصبر بالعكس أنا انبسط إذا أحد عايرني أو تشمت

لأن الرسول صلى الله عليه وسلم يقول ( لاتظهر الشماته في أخيك فيرحمه الله ويبتليك ) فهذا شي

طيب إذا أحد تشمت لأن الله راح يرزقك رزق ماراح تتوقعيه رحمه بك بس عليك بالصبر أنا أعرف وحده

صار عمرها 30 وتزوجت العام من شاب عمره 34 لم يسبق له الزواج وعلى خلق ودين سبحان الله

مافيه شي بعيد عن الله ولاتقولين رحت مكة واعتمرت وماصار شي ترا هذا الأمر مايجوز لأن هذا

الأمر فيه سوء ظن بالله ولكن الله قال أنا عند ظن عبدي بي معناه إذا كان ظننا خير قدمه ربنا وإذا كان شر

راح ننول على قد ظننا بالله والله يصلح الحال وانت لاتحددين رزقك قولي يارب ارزقني بالزوج الطيب الصالح

الحنون الكريم وقولي صفات حلوه تتمنيناه في الرجال ولاتحددين أخو صديقتي أو غيره لأن ماتدرين يمكن

يجيك أحسن منه ويمكن لما تعيشين معاه ماتتأقلمين حتى لو كان صاحب دين وخلق فلا تحددين رزقك

لما النبي يوسف مره في مشكله دعى ربه وقال السجن أحب ممايدعونني إليه فقال المفسرون لو أنه

ماحدد فرجه ومادعى على نفسه بالسجن وتركها لله يمكن ربي فرجها له بطريقة أحسن لأن الله من صفاته

الرحمه ويااااااااااااااااااااااااااارب ياشيهانه ياكريم يكون أنا وانت ِ وجميع بنات المسلمات زواجنا 2011 من أزواج

صالحين واكثري من الدعاء والأستفغار واختمي سورة البقرة كل اسبوع مره ولاتنسين قيام الليل وربي ماراح ينسانا

وأنا راح ابدأ معك ونبشر بعض أنت ِ بس قولي يااااااااااااااااااااااااااااارب

الله يرزقك الزوج الصالح ويسعدك حتى يرضيك اصبري يااختي وبالاستغفاااااار بتتغير حياتك تمامآ وجايك رمضان ادعي قبل الافطار وربي بقدرته بيستجيب لك واشربي زمزم بنية الزواج والله شي عجيب وان شاء الله في العيد تبشرينا بخطوبتك



بس انتبهي يااختي لاتاخذي بدون عشان عيالك لاينظلمون ويضيع مستقبلهم

فديتكم فد فد يالغاليااات ماقصرتووووووووووووووو

ادعولي بالزوج الصالح لاني تعبت خصوصا اني يتيمه الاب .............

فديتج ياحزن كلامج مثل البلسم ..... فعلا رحمت ربي وسيعه انا اللي يحز بخاطري كلام رفيجاتي بالدوام كل اللي معاي بالقسم متزوجات ومعيلات وانا بروحي عزوبيه وكل وحده تسولف عن زوجها واعيالها وانا بس اطالع لهم واحس العبره خانقتني او اسو روحي اتكلم بالتلفون ..


يااارب ارزقني وارزق بنات المسلمييييييييييييييييين بالزوج الصالح التقي يارب انك قادر علي كل شئ ... ياحي ياقيوم