تجمع الموقنات برحمة الله(خبرات متبادلة حول مراكز العقم في مصر)الجزء 22

ماما
ليه يا حبيبتى العياط سلمى امرك لله وربنا يكتبلك اللى فيه الخير
شوفت امبارح على رابط اللى كتبته دعوه حلقة عن تاخر الانجاب من برنامج حكمة نساء وكانوا جايبين زوجين كبار فى السن عملوا حقن مجهرى ونجح من اول مرة وبنتهم زى العسل
يعنى ربنا اذا اراد شئ يقول له كن فيكون

كل البنات الحلوين الطعمين واللى من ربنا قريبين

انا بقى أخبارى .... قررت بعد استخارة ربنا انى اغير دكتور هميسة بالرغم من انى مستريحاله وبذكره بكل الخير لكن فكرت ان 3 محاولات معاه كفاية ويمكن مش مكتوب يكون سبب فى حملى .. سمعت كلام توتا وخليت خالتى تعملى حجامة 3 شهور ورا بعض .... احترت كتير اروح عند مين من الدكاترة وكان فى الليسته عندى
احمد المسيرى - ولاء الديب - وعماد خليفة
المهم جوزى قالى خلاص نعمل زيارة لكل واحد فيهم وبعد كده نقرر
انت تريد وانا اريد ويفعل الله مايريد
اتصلت بمستشفى المدينة علشان اشوف المسيرى .... اتسددت .... الارقام مرفوعة من الخدمة !!!!!!
اتصلت بدكتور عماد لقيت الحجز 17 أغسطس.. قلت فى بالى احجز ومش حيضر لو غيرت رأى
اتصلت بولاء الديب ولقيت الحجز 10 اغسطس... حجزت برده وانا مش مستريحة اروح فى رمضان
لحد ما نادو اتصلت بيا وقالتلى ازاى هى وشيمو رايحين عند عماد وشجعتنى اروحله فى رمضان ومضيعش الوقت ... الحمد لله لقيتنى استقريت اخيرا ونويت اعمل استخارة اخيرا بس حعملها فى رمضان .... ليه كيفى كده
بس آدى اخبارى .... دى خطوات انا بمشيها لعل الله يجعل من كل ضيق فرجا ومن كل هم فرحا

امين يارب يوفقك يا اوكسى وكل البنات ويكرمنا جميعا بالذرية الصالحة
مش ملاحظين انى هبدأ التنشيط فى اليوم السابع من الدورة مش غريبة دى ؟ ولا عادى؟

السلام عليكم
ازيكو يابنات
انا الحمد لله بخير بس النت كان بعافيه شويه و أرفونا على ما يتصلح
المهم انا قريت اللي فات كله
ربنا يكرمكوا يارب وكل واحده داخله على عمليه ربنا يرزقها وتكون دي اخر المساعي يارب
بندقه بإذن الله تيجي تبشرينا قريب انا متفائله والله ... والافرازات دي عادي جدا جدا ما انتي بتاخدي مثبت
انا كنت بأزهق منها بردو ...فأخر عمليه أخذت حقن .... وخلاص ... صحيح اتشككت شويه و لسه معلمه في جتتي بس اهون من كل شويه الاقي نفسي مبلوله من تحت

مصرية متركزيش مع نفسك اوي لأاااااااااان حيورد عليكي حاجات اشكال والالوان و كل دا طبيعي
ألم في الحوض طبيعي
المغص طبيعي
الم في المثانه و المهبل طبيعي ....
انتي بس تقلقي اوي لو : المغص لا يحتمل يعني لدرجه انك مش بتعرفي تنامي من الألم
الحرقان من تحت دا يدل على وجود التهابات
الدم طبعا بس انتي عارفه ايه سببه عندك
لكن الحمل كل شهر بشكل و حتظهر عليكي اعراض كل شهر غير التاني واوجاع مختلفه
يعني انا من ساعه ما بدأت الثامن و انا المغص مش يفارقني ... بس مش بأركز مع نفسي بأه سيباها على ربنا

أه و حركه البيبي كمان يعني عشان بعد كده ... فيه ايام بتقل فيها جدا و ايام بيكون نشيط و دا عااااااادي (ميكو ) مش عارفه قلقتي نفسك ليه و نزلتي جوزو عالدكتور .. ربنا يتمملك على خير....