خادمات باقل الاسعــار

أزيدكم من الشعر بيت وصل أسعارهم في الرياض على 7000 سبع الاف وبعضهم6000ست الاف

لاحسيب ولارقيب والله صرت أدور في القرى يمكن أرخص

تكفون الله يعافيها ويسعدها ويرزقها ويفرج كربتها الي تعرف أحد يأجر في رمضان بألفين أو أقل ترسل الرقم على الخاص,, والله والله لأدعي لها بسجودي
محتاجه شغاله في رمضان ضروري ضروري

وأنا معاكم في مسأله المقاطعة واللي يأجرون غالي بلغوا عليهم هذا غش ومتاجره بالبشر مايجوز في الإسلام

اتفق معك بكلامك وانا مثلك لي 7 سنوات متزوجه وماجبتها رغم ان بيتي ومسؤلياتي تحتاج لها بس اتردد فيها
لكن فيه حاجات لها الواحد مايحكم من طريقة حياته على الناس تختلف احتياجات الناس في بعض البيوت كبيره والام تكون تعبانه وماعندها احد يساعد
يمكن عندها اطفال كثار وبحاجه لها

ربي يتمم عليك الاستغناء عنها :)



لنفرض ان ظروفها صعبه مثل ماقلتي وتسدد ديون واستغنت عن خدامتها عشان تسدد ديونها هذا مو سبب ترفع سعر الخادمه على حساب الناس وحاجتهم
ومن الاساس اذا حالتها الماديه صعبه تجيب خادمه لييه بتقولين بحاجتها ومااعرف ايش اذا هي بحاجتها كيف تقدر تستغني عنها شهور اذا هي قادره اصلن انها تكيف نفسها بدونها كم شهر
هذا اسمها استغلال لحاجة الناس والغالب موب عندها خادمه عندها 2 او 3 وتأجر وشوفي الاسعار قبل كم يوم شفت وحده هنا عارضه خادمه ب 3500 وبعد ماتعرف تطبخ يعني ولا راتب معلمه

غير اللي يبون يبيعونها ب 28000 ليه يعني كذا

الله لايحيجنا لهم يارب وبالفعل لو لقو من يردعهم كان ماسوو كذا
لكن من امن العقوبه اساء الأدب

عيوني الاختلاف في وجهات النظر لا يفسد للود قضية..
يعني اللي بتمر وتدعي على الاعضاء .. حـلال عليها الدعـاء وحرآم على غيرهـا

آنا اعرف وحدة عندها اكثر من شغالة وكآنت تآجرها بـ2800 ريـال... وتطورت لينوصلت 4000 ريـال !!
والله هـــذا الجشـع

وفي حملة بالبرود كـاست باسماء وارقام الحريم اللي يآجرون شغالتهم بهذي المبـالغ ...

والله صادقات حسبي الله ونعم الوكيل
عليهم واللي مايهمه الفلوس مايهمه اي شي
ياخذونهن ويروحون فيه ذوي الدخل المحدود
وهم يتشجعون اكثر واكثر في ارتفاع الاسعار شوي شوي
وش ذنب المساكين اللي ما عندهم يدفعون اكثر من 2000
الله على الظلم والجشع اللي صاب الناس