متوهقه مسكر علي الباب سلوني

مرحبا انا اليوم اول مره اطلع في سور البيت بدون جوال والحمد لله ان المحمول معي على الاقل يقطع وقت وحصل مايلي
سكر الهوا الباب وانا الحين في السو رفي عز القايله طبعا اطفالي في الدور الثاني نايمين بنتين وولد
الكبيرة 6 سنوات الولد 5سنوات واصغيرة 7 شهور والولد خطير على الصغيرة اخاف ينفرد فيها اذا قام
تعبت اطق الباب ماحد يرد وش السوات وزوجي يطلع من الدوام الساعه1يانهار مااطولك
سلوني دبروني عرقاني تجري والحمد لله على كل حال موقف مضحك مبكي
ادعو ان بنتي الكبيرة تقوم وتنزل لان عادتها تقوم وتشغل التلفاز الله يهديها

انا عارفه ماعندكم حل لكن وش اسوي اسلي نفسي

وللاسف ماقدر ارد الا رد واحد وتخلص المشاركات

يارب تقوم

42 تعليق 4,452 مشاهدة

شاركي في النقاش

سجلي الدخول لإضافة تعليق.

التعليقات

32
  1. @um_faisel

    الله يعينك ان شاء الله تفرج وتصحى بنتك وتفتح الباب واستودعيهم الله وثاني مرةحرمي تطلعين مع الباب في القايلةهذه
  2. الله يعينك
    اشغلي وقتك بالاستغفار واستودعي الله عيالك وكل شوي دقي عليهم الباب
    ولاتعودينها مرة ثانية
    الله يحفظهم لك
  3. @nrgs_ngd

    ماعندك جيران اوشغاله او اي احد يتصل بالدفاع المدني ٥دقايق وهم جايين يفكون الباب او اي احد مار مع الشارع تثقين فيه مثل عيال الجيران يتصل بزوجك او بالدفاع

تابعي تجارب أخرى من هذا القسم.