اهلين بنات قصص مشجعه ماشاء الله
انا بقولكم كم قصه لي بسيطه وحصلت لي تقريبا قبل سنه وقد ذكرتها هنا في المنتدى بس موضوع ثاني
مره كنت قاعده طفشانه في البيت وكنا في الاجازه الصيفيه وجوعانه جدا ومشتهيه اطلب ماك بس ماعندي احد في البيت يفتح لي وكنسلت الفكره من بالي وكنت طول الوقت استغفار
وشوي الا اختي المتزوجه تدق علي تقولي وش تبين اجيب لك من ماك انا واقفه عنده الحين بناتي جوعانين وبنمركم البيت اسلم على اهلي :)
ومره ثانيه كان عندنا زواج وامي كانت تعبانه وقتها وماراح تحظر وانا اتورطت بنفسي مدري وش اسوي من يوديني ولازم احد يجي معي ماودي اروح لحالي واستغفر واستغفر ونمت ولما صحيت لقيت مكالمات فائته من اختي في الجوال تقول بمرك
واخوي يطق علي الباب يقول قومي اوديك ورحت الحمدلله :)
ومره كان عندي اختبار قدرات وكنت خايفه جدا وطول الوقت استغفر وحتى وانا انتظر الورق استغفر وحليت ولما طلعت النتايج جبت نتيجه كويسه الحمدلله
واخر مره خخخخخخخخخ
في شهر 4 اللي فات
بما اني في العطاله والبطاله وقتي كله فاضي وافكر بالزواج قلت باستغفر وادعي ان ربي يرزقني خطيب في هالشهر
والله يابنات ماعدى هالشهر الا والرجال بنفسه كلم ابوي بس ماوافقت كان مطلق الله يعوض عليه وعلي
الله يقوينا على الطاعه ويحقق امانينا كلها يارب
شاركينا تجربتج في الاستغفار ولج اجر كل من يعمل بها [[ الجزء الثـــــاني (2) ]]
متابعة النقاش، صفحة 22