السلام عليكم ورحمة الله وبركاته
كيفكم خواتي اتمنى تكونوا بصحه وسلامه
ومبارك عليكم الشهر مقدما........
السالفه ومافيها ان دورتي متاخره علي 17 يوم
وهي بالعاده ما تتاخر كثير وان كثرت 14 يوم ومع
هالتاخير الام شديده بظهري وبطني وكليتي
سويت تحليل حمل طلع سلبي سويته بالبيت وبالمستشفى
طبعا انا اعاني من ضعف في التبويض وزوجي عنده 20 مليون
من الحيوانات المنويه عطاه الدكتور علاج قبل ثلاث شهور وخلصه
بعدين حلل مره ثانيه لقاها 40 مليون طبعا الدكتور رافض يعطيني علاج
يقول لين تتحسن حالة زوجك الصدددددددددددمه اللي واجهتها اليوم
اني رحت انا و زوجي الدكتور وقال لزوجي توك ماتحسنت ليش ماتسوي
طفل انابيب وترتاح انصدم زوجي وقال لهاالدرجه حالتي ميؤس منها طلعنا
من الدكتور طبعا مسافرين حنا له طلعنا وحنا نبكي لما وصلنا بيتنا جاتني
الصدمه الثانيه اللي هي زوجي يقول ليش ماتروحين في حال سبيلك يمكن
تلقين زوج احسن مني يجي منه اطفال!!!!!!!!!!!!!!!!!!!!!!!!!!!!!!!!!
السؤال هنا يابنات انا مو مصدقه الدكتور احس العدد مضبوط صح مو مره زين
بس بعد مو شين هل كلام الدكتور صح؟؟؟؟؟؟؟
السؤال الثاني وش تنصحوني به نصبر والا نسوي طفل انابيب مع ان
الميززانيه حيل ضعيفه؟؟؟؟؟؟؟؟؟؟
السؤال الثالث انا ماجتني الدوره ودي اشرب قرفه او اي شي ينزلها
بس للحين تخيلوا اتوهم اني يمكن حامل وش رايكم اشرب والا استنى
تنزل من نفسها مع ان الااااام توجعني حيل من اول يوم تاخرت فيه؟؟؟؟؟؟
اخر حاجه حابه اقولها بنات طلبتكم ادعوا لي خاصه رمضام مقبل وانا ابشروا
بادعيلكم وا شاء الله بعد باروح مكه في رمضان والله لادعيلكم لو اكتب اسمائكم
وادعيلكم هناك........اللهم ياحي ياقيوم يامن رفع السماوات بلا عمد يا اكرم الاكرمين
واجود الاجودين وارحم الراحمين وخير الرازقين انك ترزقني وترزق بنات حواء الذريه
الصالحه المعافاه المشافاه الباره عاجلا غير اجلا قولوا امين ومشكورين مقدما.........
شاركي في النقاش
سجلي الدخول لإضافة تعليق.
التعليقات
108- الله يرزقك من واسع فضله
- هلا اختي مرااحب
لاتنصدمين من زوجك يالغالية هذي ردة فعل طبيعية لانه يحبك ويتمنى لك السعادة
وهنا يجي دورك انتي تراه بهالوقت بكون مررررا حساس لازم توقفين جنبه وتحسسينه ان هو اهم شي بحياتك وانك راضيه باللي كاتبه لكم رب العالمين هذا اهم شي قبل اي علاج لأن النفسية تلعب دور كبير بهالموضوع
انا زوجي قال لي نفس الكلام قبل نبدأ بالتحاليل والعلاج واحمد الله ان المشكلة مني أنا
حبيبتي انا ماعندي أي خلفية عن الأنابيب لان توني بمرحلة المنشطات بس احب أقول لك شي مهم لاتتضايقين ابد لو كان علاجكم هو الحقن المجهري أو الانابيب ترا فيه حالات كثيرة تكون الزوجة والزوج مافيهم شي ولايقدرون يحملون الا بالأنابيب والحمدلله ربي يرزقهم وفيه بعد العكس اللي يكون زوجها فيه ضعف شديد ويضطرون يسوون له عملية تفتيش ويدورون بالخصية لين يدوخون ويحصلون حيوان واحد او اثنين او العدد اللي قاسمه ربي وبعدها يسوون الحقن المجهري وتنجح ماشاء الله
كله بتوفيق رب العالمين وارادته لاتنفجعين ولاتضيقين خاطرك
اهم شي انك تتوكلين على الله وتفعلين بالأسباب وخليك واثقه أن الخيرة فيما اختاره الله
الله يرزقني وياك وكل من تتنمى الذرية الصالحة يااارب
مووفقه يالغالية.. قلبي معك - الله يرزقك اللهم اميين الذريه الصالحه المعافاه
بس ليش ماتغيرين الدكتور يمكن ينفعك بعد الله وتحملين
ولا تنسينى من دعواتك ان الله يرزقني الحمل هذا الشهر - يااااااارب ترزقني وترزق اختي اسرار انثى وكل متاخره بذريه الصالحه ان شالله ماتشوفي الدوره الى بنفاسك
بنسبه لزوجك العد دزين ليش طفل انبوب غيرو الدكتور
ان شالله البنات يفديونك اكثر
دعواتك لي حبيبتي - حرااااااااااااااااااااااااااااااااااااااااام عليه هالدكتور
العدد عند زوجك ماشاء الله ممتاز فوق الممتاز حتى
اشفيه هالدكتور صاحي ولا مجنون
اقلك اختي انا اتعالج باامريكا وكذا دكتور قالي العدد الممتاز للحمل من 20 الي 30 مليون
وفوق ال 10 مليون يصير حمل بس بنسب اقل
وانتي ماشاء الله زوجك العدد عنده فوق المعدل الممتاز
نصيحه لوجه الله غيري الدكتور ولا تفكري تروحيله او تستشيريه بشي نهائيا اجل 40 مليون قليل
حرام التعب الي حطكم فيه انتي وزوجك وحرام احساس زوجك انه فيه نقص لااااااااا تصدقي الدكتور ابدا
رزقنا الله واياكي اختي