انضمو معي في حفظ الفوكاب

أنا معاكم متحمسة بقوة شكراااا صاحبة الفكرة

هلا بنات وهذا الي كنت متوقعته حماااااس
وحلو اننا نشجع بعض بالنسبه للاخت الي سألتني عن الدراسه هنا حلوه بس كثير سعوديين بالمعهد وتعتمد عليك انتي بحفظك يعني تعب مايفتحون راسك ويصبون فيه المعلومات بس الحلو في الموضوع البراكتس اليومي
يعني الممارسه للسبيكنج
ويله بسم الله نبدأ اليوم اخذنا

slam وتعني ضربه عنيفه بس اليوم اخذناها بمعنى اغلق بعنف يقصدون الباب

reheat وتعني سخن

upset منزعج ومضطرب اخذناها اليوم بانو الاب منزعج من ابنه المراهق

owe مدينون اخذناها اليوم I owe بمعنى انا مدين

apologize تعني اعتذار

forgive يسامح ويغفر

funeral تعني دفن او مأتم بعيد عنكم هههههه

according to the تعني وفقا لــ عاد على حسب وش تبين تقولين

discussing تعني مناقشه

squad تعني فرقه او فريق



هذا كل ما لدي بنات قد تكون الكلمات سهله بالنسبه للبعض بس هذا للفل 5 بس من خلال تجربتي هنا لاتستهينون في اي كلمه يعني ممكن تجي كلمه تقولين في نفسك انا وش ابغا فيها لاكن مع مرور الوقت بتصادفك وتعجزين عنها ان عجبكم بكمل

طفشانة كيف طريقة حفظك الله يسعدك ، الحقيني الله يوفقك النسيان مخرب علي الدنيا

طريقة الحفظ اخذنا هنا انو مش تكرار يقولون لنا اربطها بشي يعني سوي لها قصه او اربطيها برسمه شبهي عليها بمعناها باللغه العربيه يعني كلمة slam تعني صفعه بقوه يعني مثلا عندنا بالعربي سلام يعني سلمتي على احد بس عندهم ضربتي الباب او الطاوله بقوه عكس عندنا حب عندهم معناها عنف بس مجرد طريقه

يعطيك العافية وسجلت الكلمات
واتمنى تستمري واحنا معاكي ان شاء الله

وبالنسبة للي سألتني عن طريقتي بحفظ الكلمات

تكون عندك قائمة كلمات ( الكلمة بالانجليزي وقبالها معناها بالعربي )
وتسجلين الكلمات ومعانيهم بصوتك وتخلينة بجوالك
طبعا القائمة تكون بحدود 1000 الى 1500 كلمة


وبخلال شهرين راح تحفظنيها إذا طبقتي تعليمات الدكتور وهي كالآتي :
1- تستمعين إلى الملف الصوتي بشكل يومي .. وإذا صعب عليك اليوم تخلصين الملف الصوتي كله توقفين اليوم وبكرة تبلشين من مكان ماوقفتي .
2- تنسخين الكلمات بشكل يومي شلوووووووون ؟
كأنك إنتي آلة تصوير .. تبدئين اليوم تكتبين الكلمات ( الكلمة + معناها ) تكتبينهم يوميا بدفتر خارجي وتنسخين القائمة كل يوم .. وإذا ماقدرتي اليوم تنسخين الكلمات كلها ونسختي مثلا 300 كلمة ..
من بكرة تكملين تنسخين من 301 وتكملين
خلال شهر راح تنسخين القائمة تقريبا 4 أو 5 مرات .. إنتي وشطارتك عاد
ولا تنسخينهم أو تستمعين لهم وإنتي بكامل تركيزك .. تقدرين تقعدين قدام التلفزيون والا تسولفين مع خواتك ودفترك بحضنك وشغاله قائمتك وتنسخين
والإستماع .. تقدرين وإنتي بالسياره والا بالمطبخ
والا قاعده تاكلين
بعد تقدرين تشغلين الشريط وتسمعين
لأن هالطريقه تعتمد على الحفظ بالعقل الباطن .. فإذا ركزتي تماما بالشريط تكونين إنتي قاعده تشغلين العقل الواعي وتضعفين عمل العقل الباطن

بس اقل شي باليوم حاولي تنسخين 300 كلمة واذا تقدرين اكثر بيكون افضل بعد

ملاحظة : ترى هالطريقة مب من راسي .. هذي عطانياها دكتور كويتي يعني مب من اختراعي :)
وبالتوفيق يااارب :26:

ملاحظة : اللي تستفيد من هالطريقة أمانة تدعيلي بالوظيفة الرسمية هالسنة عاجلا غير اجل :(