هذا يمكن احتاجه ؟؟ وهذا مايهون علي فرقاه ؟؟ ( اعترفي اذا كنت مثلي ؟؟)

حملة لا للتجميع :42:











دولاب المطبخ كان يشتكي من انواع الصحون والصياني والقدور والكاسات وغيرها ...

هذا مااستخدمه بس يمكن احتاجه ...؟؟

وهذا ماله داعي بس حرام ارميه ...؟؟

وهذا مضيق علي بس مايهون علي فرقاه ..؟؟

وهذا ماله مكان بس له ذكرى وصعب اتخلص منه ..؟؟

وفي النهايه دولاب مكركب مهما رتبت ونظمت الا ان شكله غبي من كثر الاشياء !!

و مره من المرات شنيت غاره عليه وقويت على نفسي وطلعت كل اللي مااستخدمه ...

تصدقت الزايد وارتحت .. صح كانت لحظات صعبه و ترددت كثير بس اهم شي اني انتصرت على نفسي الاماره بالتجميع :mad:

وصار الدولاب شكله مريح ولا في زحمه .. وصار التنظيف الدوري مريح فرق عن اول ولا في مقارنه ..




( يالله ياحلوين اللي عندها اشياء زايده ومضيقه عليها تروح تتصدقها وتترتب قبل رمضان


وخلي المحتاجين يفرحون قبل رمضان بالمواعين اللي شبه جديده :22:)





برضوا كان لي موعد مع غرفتي وكان يوم صعب ،،

كثير ملابس يمكن احتاجها ؟؟

واللي يمكن البسها ...؟؟

واللي له ذكرى ؟؟ واللي هديه ؟؟

والصدق كلها مركونه ولا البسها .. و الحمد الله صرت اطلع كل اللي مااحتاجه

وانا في داخلي ألم وتردد مايعلمه الا الله ،،





وبرضوا العطورات والمكياج والكريمات والاكسسوارات كلها مشيت عليها بالدور
..

وبأختصار مشيت على البيت كله .. كل غرفه وكل دولاب كان لي معه جلسه ..




( نصيحه طلعي الزايد وارتاحي ، منها ترتبتي اكثر ومنها كسبتي اجر بالمحتاجين ،، ترى يبيلها اراده بالذات

اللي نفس نوعيتي مايرمون بسهوله :42: )






والله بعدها ارتحت وصرت اكثر ترتيب وتنظيم .. وصدقيني مستحيل ترضين عن تنظيمك وترتيبك وانت مجمعه

اشياء زايده .. اذاً اطلقوا حملة لا للتجميع وبدأوا قبل رمضان ..

طبعا هذي الحمله لي سنوات مسويتها .. ومن بعدها صرت اتخلص من الزايد اول بأول ..




ومن كثر ماصرت امشي وارمي واتصدق ،، خاف زوجي ،، ومره قالي مااسمح لك تلمسين

اي شي يخصني الا بأذني ، لانه فقد اشياء كثير خخخخ ..




34 تعليق 2,605 مشاهدة

شاركي في النقاش

سجلي الدخول لإضافة تعليق.

التعليقات

33
  1. * وااااو فرناز القمر منزله موضوع اموووت على مواضيعك*
    والله انك صادقه لا والف لا للتجميع والكركبه
    اكتشفت اني مجمعه اشياء من سنين مالها داعي مسويه زحمه
    ومادريت عنها الا يوم جيت انقل
    واغلبها وديتها الجمعيه الحمد لله
    والله بعضها اشياء جديده ماانلبست
    بس مادريت عنها
    .. وان شاءالله بأكون اول بأول اطلع الزايد للجمعيه المحتاجين اولى مني بها..




    والأهم من هذا كله النيه تكون نيتنا خالصه لوجه الله
    .
    *استغفـــر الله *
  2. @shmoaa_alakhaaa

    صراحة المواعين قليل نرميها
    ام الملابس الله يعين ويسامحنا
    والله الدولايب راحت فيها يارب رحمتك

  3. هلا وغلا بفرنوزه
    يفز قلبي لاشفتك منزله موضوع >>>>تعجبيني الله يحفظك
    انا والله من زمان أطلع أول بأول ما أحب أجمع شي في الدواليب ما أستخدمه بس كان زوجي يطفشني يخليها عند الباب أيام وبعدين يركنها في السياره شهور وانا أطق خخخخخخ
    فتعرفت ع وحده كانت تنظف في دار لتحفيظ القرآن وأخذت رقمها وهي مستعده تاآآخذ أي شي وتفرحبه
    وصرت كل ما جمعت كرتون أتصل عليها وتجيني للبيت وتشيل كل اللي أعطيها
    الله يجزاها خير ويرزقها من واسع فضله
    ريحتني كثييير . وغير الدعوات الحلوه اللي اسمعها منها .


تابعي تجارب أخرى من هذا القسم.