تركت زوجي لاني مااحبه

بسم الله الرحمن الرحيم

والصلاه والسلام على اشرف المرسلين وعلى اله وصحبه اجمعين




خواتي انا جايه استشيركم واتمنى القى غايتي عندكم


انا تزوجت زواج تقليدي وبدون حتى مااعرف شي عن زوجي لا شكله ولا عقليته ولا طبعه ولا شي

يعني خبط لزق

المهم اني تزوجت

بالبدايه ماانكر انه كان فيه بعض الحياه في علاقتنا بس كنت مااحب لبسه وطريقته في الكلام والتفكير

انا في وادي وهو في وادي

تربيت في بيئه غير عن البيئه اللي هو متربي فيها

بس حاولت اتأقلم معه وخصوصاً لما حملت وصار عندي منه ولد

للامانه هو يحبني
وهذا اكثر شي يقهرني لاني عارفه اني مااحس بنفس شعوره تجاهي

حاولت امثل دور العاشقه

ايام احس اني احبه بس كانت ايام معدوده مو كثيره
لما يبعد عني افرح ماادري ليش

صرت حزينه وكئيبه لاني حاسه اني ظالمته

حتى حقوقه صرت مااقدر اعطيه اياها لاني مااحس باي شي وصايره بس احس بألم فظيع

وبعدها صار يضربني ويقول اني مااحبه واني ظلمته

هذا غير مشاكلي مع اهله
حاولت اتأقلم معهم بس ماااش ماقدرت

ناس حارمه نفسها من كل شي حلو

وحارميني معهم

انا عن نفسي افضل اعيش ببيت اهلي وانا مرتاحه نفسياً لا ظلمت معي احد ولا ظلمت نفسي

ولا اني ارجع له

مع انه مصر ارجع له

واحياناً اتردد واقول لازم ارجع له علشان الولد اللي بيننا ماابيه يعيش بعيد عن ابوه

انتم شرايكم شايفين احد نفس معاناتي طمنوني وريحوني الله يطمنكم دنيا وآخره

40 تعليق 8,298 مشاهدة

شاركي في النقاش

سجلي الدخول لإضافة تعليق.

التعليقات

38
  1. كله افكار من الشيطان حتى يهدم البيت الي انبنا والخسران هالطفل وش ذنبه استهدي بالله واكثري من الاستغفار وارجعي احد يتمنى ويبكى يترك العنوسة ويبني مملكة خاصة فيه وانت تقولين ماارتحت تذكري ايجابيته واتركي سلبياته
  2. @alamor_25

    شوفي ياقلبي تدرين وش مشكلة بعض الحريم قلة الصبرررر يعني بسرعه تبي يصير الشي على كيفها وعلى ماتبي 00دامه يحبك زي ماتقولين معناتها انك تقدرين تغيرينه للافضل او زي ماتبين مو بسررعه لا شوي شوي حبه حبه وخلي بالك طوويل عليه وصدقيني راح يصير زي مااتبين 00والله اعرفلك وحده اخذت واحد كانت طباعه سيئه وانسان لايطااااق وماشاءالله عليها بقوة ايمانها وعزيمتها وصبرها قدرت تغير من اطباعه السيئه وخلتها للافضل بس كل هاااالتغير ماصار على طول لا بعد سنين من زواجهم 00
  3. @byaz

    حالي من حالك بالضبط
    بس انا حاولت اضغط على نفسي عشر سنوات
    وفي النهايه ماقدرت اكمل
    واذا انتي تايهه انا مثلك
    ما اعرف وين البصيره والله بس ادعي ربي انه يبصرني
    ادعي معاي
    ربي هب لي هيبة العظماء وحكمة العلماء ورزق السعداء وميتة الشهداء
  4. @roh_nkyh_1

    ريحانة التميمي
    كله افكار من الشيطان حتى يهدم البيت الي انبنا والخسران هالطفل وش ذنبه استهدي بالله واكثري من الاستغفار وارجعي احد يتمنى ويبكى يترك العنوسة ويبني مملكة خاصة فيه وانت تقولين ماارتحت تذكري ايجابيته واتركي سلبياته
    واستخيري مره واثنين وثلاث
    افضل لان الانسان مايدري وش الله مخبيله
    الزم ماعليك راحتك النفسيه وبس

تابعي تجارب أخرى من هذا القسم.