شاركي في النقاش

سجلي الدخول لإضافة تعليق.

التعليقات

1,047
  1. خواتي شو رايكم في زيت الزيتون عشان أدهن به بطني بدل الكريمات الثانية ....وشكرا على كل اللي مروا والله يحفظكم ..... أنا تعبانة من الصبح راسي وبطني أحس فيه حرارة من الداخل والله يستر ....
  2. @hnyn_alfhd

    مساء الخيررررات المسرررررات

    كيفكم بنااااااااات كروشاااااااااااااااااات وحشتوني اشتقت لكم وايد00وبرشا ومررره0وهلبا 00(عاد هذي باي لهجه الشاطره تقول)

    كيفكم وكيف نوناتكم00واشكر كل من سأل عنى ربي لايحرمنى من اخواتى000ربي يتمم حملنا على خير000

    بنات اختى بتتزوج بالصيف على شهر 6 هجري00ومحتاره ايش اسوى 00لانه بذاك الوقت بكون لى يارب العافيه 6 شهور يعنى دوب كرشتى باينه00محتاره كيف اخيط فستانى000يالله ورونا همتكم واعطونى موديل000والا فكره حلوه وايش اللون المناسب00للعلم انا بشرتى بيضاء وشعري اسود ايش يلبق ويلق لي00
    ادري انى طلعت عن الموضوع بس حبيت اخذ رايكم00
  3. صاحبة الموضوع
    نجديه100\100

    انا الي عيني مو عدله ولا شريطج صح
    خخخخخخخخخ

    !@ام حسام@!
    حياج الله معانا حبيبتي

    صبرالايام
    ان شاء الله تفرحين يوم ما تشوفين البيبي سليم و معافي يا رب


    ام هويدي
    هلا حبيبتي
    سويي تحليل بول؟؟ يمكن عندج التهابات لا سمح الله


    يقولون مملوحة
    لا حبيبتي لالا سقطتي سهوا ولا شي

    ظهري الحمدالله احسن هاليومين
    ادهني جسمج كله بزيت بيبي جونسون
    انا اسوي هالحركه صار لي كم يوم

    مامتو لحمادينو
    الا نبيج و نص بعد
    :)
    بس ما عندي فكره عن المرقدوش بصراحه


    sadface
    عمر الجنين يحسب من اول يوم للدوره
    بعدين تعالي
    ليش ا نا ااخر ولادتي؟؟
    انتي قدمي ولادتج اسبوع مب احسن
    خخخخخخخ


    NOJOOM

    انا بطني كبر و انا بالثاني
    و الحين احسه شوي بدا ينشد
    و برنامجج حلو بس من يقدر يطبقه
    انا مالي نفس اكل شي

    الراجيه رحمة ربها
    ههههههه

    صار الكل مشتهي فخذ اللحم
    خلاص اخيرا اشتريت الفخذ و بكره ان شاء الله بسويه
    يالله كلكم معزومين بكره على العشا

    سي سي80
    مشكوره حبيبتي و ان شاءالله تفرحينا قريب


    sara511

    حال الجميع حبيبتي


    حزينة على طول
    سلامتج ما تشوفين شر

    يقولون زين
    بس انا بالنسبه لي زيت الزيتون ما يناسب بشرتي نهائيا
    على طول احس صار فيها تجاعيد ما اعرف ليش

    حنين الفهد

    موديلات؟؟
    بصراحه ما عندي فكره
    ان شاء الله البنات يفيدونج
    شرايج بالوردي الفاتح و الابيض
    احسه وايد حلو للحوامل و يناسب بشرتج
  4. @rsyl

    أهلين يا حلوات يا كسولات..
    الموضوع قبل رد sara كان في الصفحة الرابعة!!!!! يعني شيء مخزي جداً بصراحة..

    والحين في الثانية.. :(

    شوفوا ماشاء الله شلة نوفمبر وإلا شهر 4 دايماً في الصفحة الأولى.. إلا حنا.. نحوس يا الله نلقاه تحت الأنقاض..

    المهم شأخباركم؟

    أم هويدي
    حمد لله على رجعتك وما تشوفين شر..

    ماماتو لحمادينو..
    أفا عليك ولا يهمك.. هذا رد مخصوص علشانك.. بس عطينا تعريف عن شخصيتك علشان نتعرف عليك أكثر..

    NOJOOM
    يوووووووووووووه انتبهي من شاي الزنجبيل (أو حتى مع الحليب)..
    خطر خطر على الحامل في الأشهر الأولى لأنه يسخن الرحم ولا سمح الله لو كانت مشيمتك نازلة أو معك دم أو عندك سوابق إجهاض ممكن بالفعل يسبب طلق قبل الأوان وبالتالي الإجهاض لا سمح الله..
    ممكن تضيفينه بشكل بسيط مع الأطعمة لكن لا تشربينه وبالأخص على جوع الصباح..
    عادة يعطونه للحامل في آخر شهر علشان يحمي الطلق..


    حزينة على طول..
    شأخبارك؟ .. أكيد ممتاز زيت الزيتون.. يكفيك أنه مذكور في القرآن الكريم.. ادهني بطنك فيه..
    واشربيه أو ضعيه في السلطات والأكل وكثري منه..


    sadface
    ما عليك من هالدكتورة.. أنا ألاحظ أن بعض الدكتورات لازالوا متمسكين بطريقة الحساب القديمة.. اللي تعتمد على فترة التبويض..
    لكن الأكثر شيوعاً أنك تحسبين من أول يوم الدورة.. يعني احسبي مثلنا..
    أما حجم الجنين وعمره فما يكون أكيد الآن بالسونار.. غالباً يقدرون عمره من خلال محيط الجمجمة مع طول عظمة الفخذ في الشهر الثامن..
    يعني الآن حسبتها بالسونار تكون معرضة للخطأ بنسبة كبيرة..
    وما قلتي لنا شأخبار ثلاجتك الجديدة؟ عساها تمام..

    طيب ليش يا حبيبتي ما تستغلين وقتك في شيء مفيد.. قراءة.. حفظ قرآن..
    حرام الوقت يضيع عليك ترى بعد ما تولدين ما راح تلقين وقت.. أنت الآن في فرصة ذهبية..


    نجدية.. كاملة الدسم
    هاه.. شلونك الحين.. إن شاء الله أحسن.. وشلون الوحم؟

    حنييييييييييييييييييييييييييين..
    أنا زيك.. زواج أخت زوجي في آخر شهر 6 عربي.. ومحتارة شسوي.. لكن أكيييييد فستان حوامل بدون نقاش.. لأن كرشتي من الآن بدت تطلع.. شلون لما أكون في السابع؟
    لكن ودي بموديل ناااعم بسيط وأنيق.. علشان ما يسمني زيادة..
    ومشتهية لون أحمر غامق مدري ليش.. << ..
    أحس الفواتح ماتناسبني.. لأني زيك بيضاء وشعري أسود.. والفواتح تخلي بشرتي شاحبة..
    أنا ما حملت هم الفستان كثر الجزمة أعزك الله..خخخخ.. أفكر. شلون بأروح الزواج بجزمة واطية؟ يا سلام ..
    وإلا ألبس كعب وأكسر ظهري؟


    يقولون مملوحة..
    هلا أختي.. حطي حيلك في بطنك.. لا تخلينه ينشف ويتشقق.. رطبيه بزيت زيتون أو اللوز مثل ما قلت.. أو على الأقل زيت جونسون.. ترى لا زال عندك فرصة إلى الخامس..

    الراااااااااااااااااااجية رحمة ربها
    هلا والله وغلا..
    شأخبارك؟
    حتى أنا أسولف لزوجي عنكم.. :)
    طلعت نفس عمري تقريباً.. أنا توني كملت 28 وما شية في الـ 29..
    وما أسمح لك تقولين عجووووووووزة ! :16:
    المرأة في الثلاثين تكون في عنفوان شبابها وجمالها وأنوثتها..

    بالعكس عمر رائع.. أحس أنك في حملك تكونين ناضجة وحكيمة..
    أنا أذكر في حملي الأول كان عمري عشرين..
    كان شكلي يضحك صغيرة.. حتى الممرضات في المستشفى يرحموني..
    ما أعرف أتصرف في الولادة ولا كيف أتعامل مع البيبي..
    ولما ولدت رميت بنتي على خالتي.. أم زوجي هي اللي ربتها لأني كنت أدرس في الجامعة.. هذا مع أني لي خبرة مع أخواني.. وكنت أقرأ وأطلع..
    لكن مع هذا كنت متهورة.. حتى ملابس الأطفال ما أعرف كيف أختارها ولا من وين أشتريها..
    على فكرة.. تحبين القراءة؟؟ .. يا سلااام.. :icon28:
    نادراً ما ألقى أحد مثلي يحبها بشغف..
    تقرئين كتب أدبية؟
    يا ليتك جنبي.. كان أرسلك شيء من مكتبتي اللي بتنفجر ما شاء الله وأتبادل معك..
    بأقولك..
    أنا قراءتي في المجالات التالية أكثر شيء:
    الأدب طبعاً وبالذات القصص والروايات أما الشعر مش ولا بد.. كتب دينية.. كتب تطوير الذات.. العلاقة الزوجية.. النفسيات.. الطب البديل.. التربية.. الجمال.. مممم.. وش بعد.. أحياناً موسوعات علمية عن الطبيعة..
    هذا بالإضافة للمجلات لكن أميل للمجلات المفيدة..
    ومع أن تخصصي حاسب.. لكن ما أحب أقرأ فيه ولا في التكنولوجيا.. يعععع..

    أما على اسم رسيل..
    بالفعل والله أنا مرة عاجبني.. ومرة شفت بنوتة بهالاسم تجنن حبيت الاسم منها..
    وأذكر الكاتب فهد الأحمدي في جريدة الرياض يقول أنا سميت بنتي رسيل لأنه أجمل اسم في نظري..
    والحمد لله أن زوجك متفاهم معك وحبيب.. الله يخليكم لبعض..
    بعض الأزواج عُقَد كل شيء يتدخلون فيه.. :16:


    قوارير..
    مممممم.. بتذبحيني..
    كلما نسيت سالفة الفخذ.. ذكرتيني.. :7_2_103v:


    شكلك بتخليني كذا >> :10_8_11:
    أمي اليوم قالت ما عندنا فخذ..
    أبوك بيذبح بعد كم يوم.. اصبري :(

    أما عاد أنا أطبخ.. فخذ .. كثري منها!!
    أنا يالله مكرونة.. وإلا كبسة.. وإلا صينية..
    مع أن طبخي لذيذ ولله الحمد بشهادة كل جيراني وقرايبي.. لكن ما أحب أطبخ لأن ما عندي شغالة حالياً..


    على فكرررررررررررررررة..

    الله يخليكم بنات..
    الله يوفقكم ويرزقكم الذرية الصالحة.. ادعو لي بالخادمة الصالحة..
    خادمتي بتوصل بكرا أو بعده بإذن الله..
    ادعو لي ربي يرزقني خادمة صالحة أمينة نظيفة نشيطة.. لأني تعقدت من الشغالات وخايفة موت تجيني وحدة تطلع الشيب براسي..
    اليوم أمي رحمتني..
    وأرسلت شغالتها الله يجزاها الجنة.. نظفت البيت والحوش..
    يا اااااااااا الله.. شعور رائع.. انتعاش.. البيت نظيف وأنا مرتاحة ونايمة..
    قلت ويني من زمان توني أقدم على شغالة!


    توتة أخت بطة..
    يحليلك وحيدة؟ أجل من وين جبتي ذا البطة اللي تقولين أنها اختك؟
    طيب.. ما شاء الله إذا توك متخرجة.. ومتزوجة من 7 سنين ما شاء الله كم كان عمرك لما تزوجت؟ في المتوسطة؟
    يا الله وين الشريط الأحمر؟.. أنتظره على الخاص لو سمحت..


    راعية مبدأ..
    يا حلوك ويا حلو سفرتك.. ما شاء الله.. ذكرتيني..فعلاً سالزبوج بنت خالتي تمدحها مرررررة.. بس هي كانت رايحة لها من زمااان يمكن قبل 15 سنة في شهر عسلها.. تقول روعة كأنها جبال هايدي.. وأكيد الحين صارت أحلى..
    الله يرزقنا الفردوس الأعلى من الجنة قولي آمين..
    والله أنا كان ودي أروح النمسا موت.. لكن كل ما أذكر أنها بلد كافر.. أقول يالله.. أجرنا على الله.. ودايماً أقول لأمي يا حظك درتي العالم ما شاء الله لأن أبوي كان يدرس وعمله دايم ابتعاثات..
    بس أمي تقول درت أوروبا كللللللللها.. ما فيه أبداً زي أمريكا!! :icon30:
    تقول اللي يشوف أمريكا (ويدور في ولاياتها المختلفة) خلاص تحوم كبده من أوروبا.. يحسها كآبة وكتمة.. ومتخلفة مقارنة بأمريكا..


    noni وينها..؟
    اسم الله عليها.. فقدناها..وسوالفها الحلوة..

    على فكرة.. ترى هيميش أم كريم موجودة بس شكلها مزلبتنا (مطنشتنا)..
    شفتها أمس بموضوع.. الله يصلحها.. لكن ما مداني أسلم عليها كنت مستعجلة..

    ما شاء الله تعبت من الكلام.. :a_smil17:
    أعتذر لبقية الحلوات اللي ما رديت عليهم..

    أكمل بعدين..

تابعي تجارب أخرى من هذا القسم.