حيرانه يا بنات ، لازم ارضى بما كتبه الله او استمر بالدعاء بعد صبر 8 سنوات؟؟

السلام عليكم


انا يا اخواتي متزوجه وعندي ولدين وزوجي حالته الماديه ضعيفه ،، وانا من 8 سنوات وانا ادور على وظيفه بس للأسف الله ما يسر لي ليما الحين


بنااات ظرووفي صعبه كثير ما تتصوروون انا على نفسي اصبر بس افكر بعيالي ومستقبلهم

بناااات انا على طول ادعي ربي والله اني اجمع فلوس مع ان ما عندنا واي مبلغ بسيط احرمه على عيالي واروح العمره وادعي ربي انه ايسر لما امورنا ويوفقني بوظيفه عشان اساعد زوجي وعيالي ويتحسن وضعنا ،، بنااااات الله يعلم اني ادعي ربي في كل وقت يستحب فيها الدعاء ، اقوم بالليل واصلي وادعي ربي وابكي وابكي واقوووول يارب انت اعلم بحالنا ، بحالي وبحال زوجي اللي يشتغل 16 ساعه في اليوم عشان يعدل من مستوانا ، آآآآآآآآآآآآه ما يخفى عليكم اني احس براحه بعد الصلاه والدعاء بس يا بنات اشوف غيري تتيسر امورهم بسهوله وبدون حاجتهم للوظيفه بس اقول الله ما راح ينسانا الله عالم بحالنا وادرى اني اتمنى الوظيفه عشان اعيش بستر انا وزوجي وعيالي ، انا الحين ناويه اكمل دراستي الجامعيه مع ان الجامعه بفلوس والله يعلم اني لازم اخذ من قوت عيالي عشان الجامعه واني باخلي عيالي عند امي المريضه ،، الامر جدا صعب بس شاسوي مع عندي غير الدعاء والسعي لمحاوله تعديل وتحسين وضعنا المادي



بس بناااات ساعات افكر اقول يمكن الله مو كاتب لي اتوظف ، عشان جذي انا ادعي ربي من 8 سنوات ، وما تيسرت لي الوظيفه

يعني اذا الله مو كاتب لي اتوظف ،وانا ادعي ربي ممكن يتغير المكتوب؟؟

خايفه اشرك والعياذ بالله بس يا ليت احد يوضح لي هالنقطه ، يعني استمر بالدعاء انا على ثقه ان ربي معاي بس وغيري انحرم من اشيه كثيره وبالدعاء الله يسر لهم


والا اقتع نفسي ان الله مو كاتب لي اشتغل؟؟؟؟


بناااااااااات لا تسيئون الظن فيني ، بس ظروفي صعبه جدا انا ساكنه في بيت اهلي وما تسمح لنا الظروف ان نستقل في سكن خاص واخووي عامل لي مشااااكل ويبييني اطلع من البيت ،، والله يا بنات اني ما انام الليل ولا افرح ودايما مهمومه


((أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاء الْأَرْضِ أَإِلَهٌ مَّعَ اللَّهِ قَلِيلاً مَّا تَذَكَّرُونَ ))اللهم انت المجيب وانا المضطر ، اللهم انت المجيب وانا المضطر ، اللهم انت المجيب وانا المضطر ، اللهم يسر لي امر وظيفتي ويسر لنا امورنا وارزقنا ياحي يا قيوم

ادعووووووووولي يا بنات تكفون ، من اسبوعين من كثر الضيقه والمشاكل تزاعلت مع زوجي وطلقني طلقه وحده بس بعدين رجعني ،، الله يعلم ان محد يعرف بالموضوع هذا غيري انا وزوجي واختي وانتوا ،، انا ما قلت لأمي اخاف يصيدها شي وخصوصا انها مريضه بالقلب ، الله يشفيها


ادعووووووووولي ان ربنا يوفقني بوظيفه وتتسهل امووووووووري والله يجعله في ميزان حسناتكم ان شاء الله

وياريت توضحون الامر اللي التبس علي ، والسموحه على الأطاله