هل هن بشر ؟؟ هل يستحقون هذه المعامله ؟

بسم الله الرحمن الرحيم ..

عندما ارى عائله ومعهم خادمتهم في الاماكن العامه يشدون انتباهي بعض الشيء ..

والحقيقه اني ارحم هالشغلات كثيرا ...
بسبب المعامله لهم في الاماكن العامه

والعكس صحيح لاني ارى هناك معامله جيده للبعض تجاه خادماتهم في الاماكن العامه .


من الامثله بشكل عام ..

اللي يطلعون الخادمه بلبس الشغل او لبس الخادمات ؟
يعني ليش تنمون داخل الشغاله شعور الكراهيه تجاهكم .
ماهي مشكله خصصوا لها لبس داخل المنزل ,,
بس الطلعه لها لبس طلعه عبايه ولبس مثل الخلق والناس .
. ماهو يكون شكلها شاذ في السوق ومختلف ؟

وتشعر انها اقل من الكل .؟؟

هذه نقطه النقطه الثانيه .. اشوف البعض يخلط بين عمل الخادمه ويخليها مربيه وخادمه ..
يعني اهي جات عشان الغسل والكنس وماشابه ,,
لكن بقدرة قادر تتحول الى مربية اطفال وخادمه وامرأه حديديه .؟




فاشوفهم في السوق بس مطارد في الاطفال ؟
ليش تعودون اطفالكم على ملاصقة الخادمه وحمايتها لهم ..
ليش مايتعود الطفل على الاعتماد على نفسه ,,,
ويعرف كيف يتصرف في الاماكن العامه ,, ويكون قريب لامه ومايبتعد ؟



في احدى المرات كنت رايحه لمطعم ..
وعند نزولنا من السياره شاهدت عائله طالعين من المطعم ,,
ووراهم خادمه تسحب عربية الطفل بيد والطفل بيد ثانيه ..
وحقيبة الطفل وكيس,, مع هالمشهد ماتملك الا ان تقول مسكينه الخادمه ..



لما دخلت المطعم وبعد ماانتهينا من الاكل ..وخرجنا ,,
استغربت من امرأه جالسه في كراسي الانتظار
اللي بدون طاولات والي وضعت لما يكون المطعم فل
وفيه ناس تنتظر لان المطعم وقتها كان فاضي بس يمكن عائلتين فيه .

المهم لما قربت من المرأه وجدتها خادمه !!

والعائله الكريمه واضعين عليهم حواجز وقاعدين يتغدون ؟
تو الغدا وصلهم ,,
والخادمه جالسه على الكراسي بدون اكل ولاشيء ماادري هل طلبوا لها ولسى ماوصل اكلها ؟
او انهم راح ياخذون لها باقي اكلهم ؟
بس اللي اعرفه ان وضعها وجلوسها في هالمكان اهانه بشكل كبير
وان هالمكان غير مخصص للاكل بس للانتظار .
.
.

والسؤال هنا ليش يسوووون كذا في الخادمه ليش بعض الناس ينمي روح الكراهيه لدى الخادمه .
ان كنت لاتريد ان تاكل الخادمه معك على الاقل خذ لها طاوله ,,؟ او اصلا ليش جايبينها معكم ؟
اللهم لاتسلط علينا بذنبوبنا من لايخافك فينا ولايرحمنا ..


باختصار يااخواتي الان مقبل شهر الصوم والاجر فيه مضاعف باذن الله ..

وللاسف حتى الشغل على الخادمات مضاعف ,,,
لذلك راعوا الخادمات في هالشهر
وراعوا صومهم وتعبهم لاتكثرون من طبخ الاشياء اللي ماتحتاجونها ..
وساعدوا الخادمه لو كان فيه ضغط في الشغل ..
واستخدموا كل السبل اللي توفر ا لوقت والجهد على الخادمه ..
يعني قرأت لااحد الاخوات الله يجزاها كل خير تقول انها تستخدم صحون البلاستيك اللي لمره وحده للتحضير او تستخدم صواني القصدير كله عشان مايكثر الشغل على الخادمه ..


ايضا شوفوا هالموضوع اللي راح يفيد باذن الله وتذكروا ,, ارحموا من في الارض يرحمكم الله ..

شاركينا فعاليات ^^^ برنامج خادمتك في شهر رمضان ^^^

وتذكروا....
لاتنمون الكراهيه في نفس الخادمه تجاهكم

27 تعليق 3,899 مشاهدة

شاركي في النقاش

سجلي الدخول لإضافة تعليق.

التعليقات

25
  1. @elina_1

    صدقيني سرت اكره اروح مطعم فرايديز وتشيليز وابل بيز تعرفي ليه ؟؟

    لانو طاولات الانتظار ملياااااااااانة خادمات وبعضهم يتعشو والشغالة ماسكة الاطفال وتتفرج بحسرة ><"

    لمن نروح مع شغالتنا نحس كل الناس تطالع عشان شغالتنا معنا واصبحنا كاننا حالة شاذة !

    موضوع في الصميم
  2. @tarym_mhmd

    وأنا أشهد بصرآحة ماينفع معآهم إسلوب الدلع لأنها بستضعفك

    لكن خليكي وسط لماتشوفين عليهآ شغل كثير خففي عنهآ حتى إحنا برمضان نجيب صحون بلاستيك< بس مايبان المعروف أيش ماسويتي

    لأنهآ لو مااشتغلت أغلب الوقت بتجلس بس تفكر وش تسوي

    أنا كرهتهم من بلآويهم بس الوآحد وربي مع مرضة إنو مجبور< ربي يمتعنآ بالصحة ويفرج علينآ ونستغني عنهم

    الحمدلله لك يآرب
  3. اكثر شي سيء اشوفه اللي ينزلون شغالتهم للسوق ولايشترون لها شي

    يعني نازلة تمسك عيال المدام

    إحساس بالدونية والظلم كبير .. متغربة عن اهلها وعيالها علشان لحظات فرح لعيال الناس
  4. @lm20

    ياقلبي الشغاله الي بالمطعم رحمتها
    من جد فيه ناس مايرحمون الشغالات ولا كأنهم بشر بس عباره عن اله تشتغل وبس

    اعوذ بالله منهم

    وجزاك الله خير الجزاء

تابعي تجارب أخرى من هذا القسم.